لماذا رفض فريد شوقي طلاق هدى سلطان؟.. ابنته تكشف حكايات لأول مرة

تحدثت الفنانة رانيا فريد شوقي عن علاقة والدها الفنان الراحل فريد شوقي بالفنانة الراحلة هدى سلطان، وكشفت أسرار وحكايات حدثت بعد انفصالهما.

قالت رانيا فريد شوقي في مقطع فيديو نشرته عبر حسابها الرسمي بموقع انستجرام: «من أكتر الحكايات اللي بحب أشاركها علاقة بابا بـ هدى سلطان كانت مليانة تفاصيل جميلة، فيها حب واحترام كبير».

حكايات فريد شوقي وهدى سلطان

وتابعت: «اتكلمت عنها من قلبي، زي ما شوفتها بعيني، علاقة بابا بطنط هدى سلطان هما اتجوزوا عن حب وكانت ساعتها طنط هدى مشهورة أكتر منه، اتجوزوا وخلفوا ناهد ومها، وناهد كانت هي الطفلة المدللة أوي عندهم البكرية بتاعتهم، بابا قبل كده كان متجوز زميلته في المعهد قسم نقد أستاذة زينب عبدالهادي وخلف منها منى أختي الكبيرة خالص وطنط هدى برضو كانت متجوزة وعندها نبيلة بنتها زي القمر».

واستكملت رانيا فريد شوقي: «أول فرحتهم كانت ناهد فريد شوقي اللي هي فيما بعد اشتغلت مع بابا في المكتب كموزعة وبعدين أنتجت، كان بينهم قصة حب كبيرة فعلا وكانوا بيغيروا على بعض وناهد كانت دايمًا هي اللي بتحكي».

تصريحات رانيا فريد شوقي عن والدها

وأضافت رانيا فريد شوقي: «بابا كان بيحكي حاجات قليلة عشان أمي، بس ماما مكنش عندها المشكلة دي خالص يعني كانت بتتقابل هي وطنط هدى عادي وفي فترة طنط هدى قعدت في البيت معاهم مع ماما وبابا لأن كانت مها أختي الله يرحمها اتجوزت أبو أول أولادها كانوا مسافرين وعملوا حادثة واتنقلوا على المستشفى ومقالولهاش أنه أتوفى في الأول لأنها كانت حامل وقتها».

وقالت ابنة فريد شوقي أيضًا: «وبعد ما طلعت من المستشفى قعدت في البيت عند بابا وكانت طنط هدى معاها قعدوا معاها فترة وهي عايشة مع بابا في البيت بتاع 4 أو 5 أيام، أمي مقالتش إزاي دي كانت طليقتك، اعتبرت أن طبيعي الست تيجي تقعد مع بنتها في الظروف دي وده الذكاء بتاع ماما تعرف تحتوي متفتعلش أزمات وإحنا اتربينا واتعلمنا منها ده.. الغيرة في التصرف اللي محتاج غيرة لكن غيرة في المطلق مش مفروض، وكانت علاقته بطنط هدى عادية مكنش فيه أزمات لأن هما زي ما اتجوزا عن حب انفصلوا أن كل واحد اقتنع».

واختتمت: «هو كان رافض يطلق طنط هدى قعد فترة يجي 8 شهور رافض وهي تكتب في الجرايد أنا عايزة الطلاق وهو يكتب أرفض إني أطلقها دي الست اللي حبيتها واللي وشها كان حلو عليا وعملنا أفلام ومجد سوا لكن في النهاية تم الطلاق مش هقول تفاصيل لأن معرفش بالظبط حصل إيه لكن المهنة الواحدة بيبقى صعب أوي الفنان بيكون محتاج حد متواجد في حياته الفن بيخلي أن كل واحد بيجري بيشوف شغله ويسافر ودا مع الوقت الطويل يبقى صعب».

 

View this post on Instagram

 

A post shared by Rania Farid Shawky (@rania_farid_shawky)