لو عايزني أبوس إيده أبوسها.. أخ يناشد أهل الخير للصلح بينه وبين شقيقه بعد خلافات الميراث

يروي الحاج رفعت واحدة من أكثر القصص قسوة داخل الأسر المصرية، حيث تحول البيت الذي جمع الإخوة يومًا إلى ساحة خلافات وأحكام وقطيعة، بسبب الميراث، لتنتهي العلاقات التي بدأت بالحب والسند إلى جفاء وصراع لا ينتهي.

وقال خلال لقائه مع الإعلامية نهال طايل في برنامج 'تفاصيل' المذاع على قناة 'صدى البلد2':' أهل الخير فين.. وأهل الصلح فين.. بشوف ناس بتصلح مشاكل بقالها 20 و30 سنة.. طب ليه الصلح ما يحصلش قبل المصيبة؟ لازم المصيبة تحصل الأول عشان يحصل الصلح؟ طب إحنا هنعمل إيه؟'.

وأضاف:'الكلام اللي بيتقال عني في كلام مش مظبوط.. أكيد في حاجات بتوصل بشكل غلط.. بس أنا مقدرش أظلم حد، أنا كنت بعامله كأب وابن.. ممكن يكون شايف إني غلطت أو جيت على حقه أو قللت منه.. لكن أنا قلتله مرارًا وتكرارًا: لو عايزني أبوس إيدك أبوسها.. لو عايزني أعتذر أعتذر.. قدمت اعتذارات مرة واتنين وتلاتة.. ومستعد أعمل أي حاجة عشان نعيش'.

وأضاف بحسرة:'في سبيل أخواتي وفي سبيله هو.. أنا معنديش مشكلة أعتذر لأي حد زعلان مني.. المهم نخلص من الموضوع.. لأن اللي جاي أسوأ من اللي إحنا فيه'.

وتابع:'أنا بلف لوحدي.. من غير أي حد.. وبحاول أصلح.. بس للأسف مفيش قعدة حصلت بينا ولا مرة.. هو كان رافض فكرة القعدة من الأساس'.