محمد دياب يوجه رسالة غامضة: افرح لصاحبك وزميلك

وجه الفنان محمد دياب رسالة لجمهوره، عبر حسابه الرسمي بموقع فيس بوك، قائلًا: «يا إخوانا افرحوا لبعض».

وتابع الفنان محمد دياب في منشور عبر حسابه: «حبوا بعض بالله عليكم والله العظيم مافيه حد بياخد رزق حد.. كله مقدر ومكتوب عند رب العالمين من قبل ما إحنا نيجي الدنيا أصلاً».

رسالة محمد دياب للجمهور

واستكمل: «مافيهاش حاجة لما تفرح لصاحبك أو زميلك أو حتى شخص متعرفوش إنه ربنا كرمه بأى حاجة.. وإنه نام مبسوط ليلة في حياته».

واختتم: «اللي أنت متعرفش عنها حاجة خلوا قلوبكم حلوة واتمنوا الخير والفرحة لبعض ربنا يسعد قلوبكم ويكرم الناس كلها يارب».

محمد دياب

تصريحات محمد دياب

وفي سياق آخر، كشف الفنان محمد دياب أسرار من حياته الشخصية لأول مرة، وأوضح أن علاقته بزوجته هاجر الإبياري تتميز بالكوميديا في أغلب الأوقات.

قال دياب في تصريحات تلفزيونية له، إنه يحب زوجته ولا يطيق تركها تنام غاضبة منه لأنه يحبها للغاية، ويتمنى أن يراها دائمًا سعيدة.

وتابع قائلًا: «أنا عندي بس مشكلة إني بتخانق مع ناس وأنا نايم لأني مبحبش أزعل حد وأنا صاحي، عشان كدا باخد حقي من الناس وأنا نايم وغصب عني بضربها وأنا مش قصدي».

واستكمل: «وهي يا حببتي مظلومة معايا، أنا بضرب وأشتم وأنا نايم وخايف أقتل مراتي غلط بسبب الرفس ومحتاج عالم يفسرلي المشكلة دي، عشان كدا أنا المفروض أنام في استاد مش سرير».

وقال دياب أيضًا عن زوجته: «أنا اتعلمت من مراتي كتير، مبدئيًا هي بتعرف تعلم التمثيل كويس جدًا، وساعدتني كتير في بداياتي، لأني عرفتها في فترة مسلسل الأب الروحي، وكانت هي تخبرني ماذا أقول وتساعدني، وحقيقي فرقت معايا في حياتي المهنية جدًا، وهي إنسانة جدًا وشخصية لطيفة أوي أكتر حد صريح قابلته من يوم ما اتولدت، وأتمني من الله إنه يُقدرني وأجعلها دائمًا سعيدة».

محمد دياب

محمد دياب

محمد دياب