محمد صلاح : انصدمت من ترتيب الكرة الذهبية ..وارتداء تيشيرت المنتخب "شرف"

أكد محمد صلاح، قائد منتخب مصر، المحترف بصفوف ليفربول الإنجليزي، على سعادته الكبرى حينما يرتدي قميص الفراعنة، مؤكدا إن ارتداء تيشيرت المنتخب 'شرف' لأى لاعب.

وقال الفرعون المصري في تصريحات تليفزيونية :' بنسبة كبيرة تأقلمت مع الشعب الإنجليزي، وهم شعب مهذب ومن أكتر الشعوب المهذبة اللي اتعاملت معاها، لما احترفت مكنتش لسه بعرف اتكلم انجليزي ،  قعدت مع نفسي وقلت هو انا هرجع مصر بعد شهر ولا اتنين زي اي شخص سافر ومحققش حاجة ولا لازم استمر وانجح ؟ قلت لنفسي لازم اعمل حاجة مختلفة وجبت فيديوهات الناس اللي خرجت بره مصر وعرفت بيعملوا ايه واتفرجت على حواراتهم  ، بدأت اركز على التنمية البشرية عشان اعرف ان كانت الموهبة بس تكفي ولا لا.'.

وتابع :' انصدمت من ترتيب الكرة الذهبية ، معنديش حاجة أقولها لكن محدش في العالم كان يتوقع ابقي في المركز السابع، أنا معنديش نظرية المؤامرة بس بيبقي في اختيارات مش دقيقة ، وكمان في دول كتير بتبقي بعيدة عن كرة القدم ومعرفش اختياراتهم بتبقي بناءً على ايه ، اكيد ببقي مش مبسوط وأنا اسمي مش متواجد في تشكيل الأفضل لكن الشئ اللي يرضيني أن الناس كلها بتبادلني نفس الشعور إني أبقي متواجد في التشكيلة المثالية'.

واستطرد : 'بالنسبالي البطل الحقيقي هو المتعافي من الادمان وقدر يغير حياته ونجح في دا بالفعل، و بسمح لـ مكة تاكل مرة واحدة شيكولاته في الأسبوع'.

وأضاف :' الناس مش متصورة إن أنا ببقي سعيد ازاي وأنا جاي العب لمنتخب مصر ، ارتداء تيشيرت منتخب مصر شرف لأي لاعب، ولما بنزل مصر باكل فول وطعمية'.

وأتم :' لو سألت حد من مصر من 7 سنين إن في لاعب في المستقبل، هيبقي من ضمن الافضل في العالم كان هيقولك لا ، لكن حاليًا الوضع اختلف تمامًا'.

محمد صلاح رجل مباراة مصر ضد المغرب

سفير كوريا الجنوبية: أتحدث العامية المصرية ومحمد صلاح لاعبي المفضل.. فيديو

رحيله كارثة.. كلوب يطالب ليفربول بضرورة التجديد لمحمد صلاح