محمد محمود عبد العزيز يحيي ذكرى ميلاد «الساحر» بكلمات مؤثرة

حرص الفنان محمد محمود عبد العزيز، على احياء ذكرى ميلاد والده النجم الراحل محمود عبد العزيز، بكلمات مؤثرة.

ونشر محمد محمود عبد العزيز، صورة بصحبة الساحر من كواليس تصوير البرومو الدعائي لمسلسل «راس الغول»، وكتب قائلاً: «بكره إن شاء الله ٤ يونيو و ده يوم بالنسبالي طول عمره مهم وهايفضل مهم؛ لأنه يوم عيد ميلاد أبويا اللى بالنسبالى ابنى وأخويا وصاحبى و ضهرى وسندى، أولاً كل سنه وحضرتك طيب وبخير و فى احسن حال و زى عادتنا لازم أكون أول واحد يبوس ايدك و راسك و آخد الحضن التمام».

وأضاف محمد محمود عبد العزيز، قائلاً: «ثانياً انا احساسى بالاشتياق بقا اكبر و اعمق بكتييييير من كلمة واحشنى لدرجة انى مابقتش لاقى كلمه توصف اللى جوايا لحضرتك، ثالثاً اتمنى ان الهدايا بتاعتى تكون بتوصل و بتعجب حضرتك و تكون راضى عنى»

وفي ختام حديثه طالب محمد محمود عبد العزيز من متابعيه على الفيس بوك، قراءة الفاتحة والدعاء للساحر محمود عبد العزيز، قائلاً: «اسألكم الفاتحة والدعاء لأبويا و لكل من رحلوا عنا».