محمد هنيدي يكشف سر رفضه التحدث عن خلافاته مع الفنانين

كشف الفنان محمد هنيدي أسرار وحكايات لأول مرة عن حياته الشخصية والمهنية، وموقفه من شائعات الوفاة.

قال محمد هنيدي عبر تصريحات تلفزيونية: «طولي عمره ما سببلي عقدة كنت متصالح مع نفسي.. مرة واحدة فقط لما قدمت في كلية الشرطة، وعرفت إني مستحيل اتقبل والضابط وقتها قالي أنت عاوز معجزة».

تصريحات محمد هنيدي

وتابع: «أنا ضد دبلجة الكارتون باللغة العربية بدلًا من العامية، علشان في تاريخ 120 سنة سينما بالعامية المصرية منتشر في العالم العربي كله».

وفيما يخص شائعات الوفاة، علق محمد هنيدي قائلًا: «شائعات وفاتي بتضحكني، بس أهلي بيتخضوا، وأكيد اللي بينشر هيشوف يوم من الأيام حاجة زي دي».

خلافات محمد هنيدي مع الفنانين

كما أكد محمد هنيدي أنه يرفض الحديث عن أي مشكلة بينه وبين أي زميل، حتى لا يدخل الجمهور في أمور خاصة.

واستكمل حديثه: «هاخد مواقف وأطول الموضوع ليه في مبدأ اسمه المسامح كريم أي حد ممكن يطلع يقول حاجة وأنا عندي عشرات الحاجات الجمهور يعرف ليه ويدخل في مشاكلنا إذا في مشاكل».

واختتم محمد هنيدي: «معنديش مشاكل مع أي حد وأي حد عمل أي حاجة الله يسامحه، لكن الجمهور يعرف ليه؟ لما الطرف التاني يتكلم وأنا مردش الدنيا هتقف لكن لو رديت هتبقى مادة متاحة للناس، الناس عايزة مننا شغلنا ولما نطلع في لقاء نبقى ظراف لكن ميعرفوش مشاكل ليه».