محمود العسيلي : مبحبش الحال المايل وأكره إن حد يجاملني ولهذا السبب تزوجت 3 مرات

كشف الفنان محمود العسيلي الكثير من الأسرار حول شخصيته وحياته، قائلًا: «لساني مش طويل ودايمًا صريح، ومبحبش الحال المايل، فلو لقيت الحال مايل في حاجة هقول على طول».

تصريحات محمود العسيلي

وتابع: «ولو حد سألني رأيك إيه وبالذات لو في أغاني أو موسيقى هقول على طول، مابحبش أجامل لأن المجاملة بتضر وما بحبش أجامل في حاجة مهمة، وأكره إن حد يجاملني».

وفيما يخص سبب زواجه ثلاث مرات، أوضح أنه من أهم مبادئه في الحياة أن يكون سعيدًا، مضيفًا: «عندي مبدأ في الحياة إنك لازم تعيش سعيد، وأي حاجة متخلكش سعيد لازم تتمرد عليها، لأن في الآخر هيجيلك السكر أو القلب، وكفاية ضغط الحياة، لازم تكون سعيد مع شريك حياتك».

محمود العسيلي

أسرار محمود العسيلي

وقال محمود العسيلي أيضًا: «مستحيل أزرع شعر أو أحط باروكة، أنا عاجبني شكلي كده، شكلي وأنا بشعر كان غريب جدًا، وكان لازم أعمل شعري عشان أصور، وارتحت جدًا لما طار ومش عايزه يرجع تاني».

أوضح الفنان محمود العسيلي رأيه في لقب صوت مصر، قائلًا: «أنا عن نفسي عمري ما هدي لقب لنفسي، ولا أحب إن حد يديني لقب لأنه بيحصرني في حاجة معينة».

قال محمود العسيلي في تصريحات تلفزيونية له: «بالنسبة للفنانات الكبار جدًا جدًا، دول أساطير من وجهة نظري وكل واحدة لونها وطريقتها المختلفة، فتناول المزيكا».

واختتم: «منقدرش نقول مين الجامد، ومين نمبر وان.. مفيش حاجة اسمها كدة، كل واحد مختلف وجامد في حتته».

محمود العسيلي

محمود العسيلي