محمود عامر يعلن انفصاله عن زوجته.. نجوم الفن يواسونه بهذه الكلمات

أعلن الفنان محمود عامر انفصاله عن زوجته منذ مساء الخميس 17 أغسطس، وحرص نجوم الفن على مواساته.

محمود عامر ينفصل عن زوجته

كتب محمود عامر عبر حسابه بموقع التواصل الاجتماعي فيسبوك: 'سينجل'، ليقوم نجوم الفن بمساندته ببعض الكلمات.

كتبت الفنانة رانيا ياسين: 'زعلت بجد انا طول عمري اعرفكم مع بعض ربنا يصلح الاحوال'، بينما كتب الفنان القدير صلاح عبدالله: 'ماينفعش ياحودة صدقني مينفعش وأتمنى أن يكون المنشور التالي طردنا الشيطان ورجعنا لبعض'، وقالت الفنانة نادية مصطفى: 'ربنا يبعد الشيطان عنكم ويصلح حالكم'.

محمود عامر ومكتب كاستينج

وعلى جانب أخر تحدث الفنان محمود عامر، عن تعرضه لموقف صعب بأحد مكاتب الكاسيتنج، وروى كواليس ما حدث معه .

وقال محمود عامر، في تصريحات تليفزيونية: الموقف ده وجعني وجع السنين وكتبته على صفحتي لأنه حصل معايا ، الأجيال مش متواصلة أولا وفي شباب معذورة مش عارفين لكن الأوديشن في أوروبا وبلاد الفرنجة لو بيعمل أوديشن بيجيب الممثل لو بيعمل دور س بيجيب فيه ٣ ويعملهم ماكياج وملابس والدور بنقعد نحفظه يومين تلاتة وبندرب عليه وبيشوفوا على الكاميرا ودول ممثلين سوبر ستار بيحصل معاهم كده.

محمود عامر، تابع في تصريحاته: إحنا عندنا بقي في الكاستينج دايركتور بيجيبوا مساعد تالت أو رابع الا من رحم ربي طبعا في مخرجين كبار ليهم كل التقدير بيبقي المخرج المنفذ أو المخرج بذات نفسه .. أنا مرة اشتغلت في مسلسل لبناني كان المخرج قاعد ذات نفسه رغم اني كنت عامل تلت مشاهد.

وأضاف عامر: لما روحت عملت الأوديشن قالي طولك طب وزنك، وبعدها سألني خدت ورشة عند مين لو كنت رديت طبعا كانت هتبقي ليلة سودة، قلتلوا آه وروحت رايح ناحية الباب ولا قولتلوا حاجه، وانا واثق أنه اكيد قال دا اكيد مجنون ولا جراله حاجه، المواقف دي بتوجع.