مدحت عبد الهادي يوضح حقيقة ما حدث في مباراة سموحة: “لم أسئ للأهلي واحترم كل الأندية”

وظهر مدحت عبدالهادي خلال فيديو عبر حسابه الشخصي بالفيس بوك: مساء الخير عليكم. أنا طالع دلوقتي أوضح الأمور اللي دايرة على السوشيال ميديا، مبدئيََا كل التقدير والاحترام للنادي الأهلي، وجمهور النادي الأهلي، وإدارة النادي الأهلي.

أنا مش من النوعية اللي بغلط في حد، سولء وانا بلعب او لما بطلت في الاستوديوهات.

وواصل :" الموقف كله كان أثناء مباراة سموحة وإحنا كسبانين، وكان أحد المشجعين بيتكلم بيقول إن النادي الأهلي كسبان، وأنا حتى كنت برد عليه بقول له مالناش دعوة بالنادي الأهلي إحنا هنا كسبانين. رد حد تاني بلفظ، أنا رديت قلت له ماتقولش كذا، هو ده اللفظ اللي اتقال، أنا كنت برد عليه بقول له ماتقولش كذا. وحتى أما بيصوروا بيقولوا الكاميرات، قلت حتى لو صورت أنا ماببررش.".

وأكمل:" ماببررش يعني ماحدش يجيب سيرة النادي الأهلي، لأن أنا الزمالك بلعب وكسبان ومباراة ومباراة مهمة بحتفل بيها، ماحدش يجيب سيرة النادي الأهلي. عشان أنا عمري ما طلع مني الغلط ولا غلطت في النادي الأهلي.".

واختتم :" وهو ده اللي حصل بالظبط، عشان كده أنا طالع بوضح الأمور كلها. وبقول طبعََا كل التقدير والاحترام لكل مجالس إدارة أندية مصر كلها وكل جماهير مصر، شكرا".