مديحة حمدي: حماتي كانت رافضة تجوزني لابنها.. وأصبحت سرها

إسماعيل هاني 23 فبراير 2023 | 06:02 مساءً

تحدثت الفنانة القديرة مديحة حمدي عن زوجها الراحل وعلاقتها مع حماتها وقصة رفضتها الزواج من نجلها بعد أن كانت رافضة بشدة هذه الزيجة في بداية الأمر.

وقالت مديحة حمدي ببرنامج ساعة زمن المذاع عبر قناة صدى البلد، تقديم الإعلامية مايا الشربيني عن وقت قدوم زوجها للتقدم لخطبتها: واحدة صاحبتي قالتلي في حد بيسأل عليكي وعايز رقم والدك، فقولتلها( قوليله خليه يبعت الكارت بتاعه نسأل عليه وعلى عيلته)، وأنا اتجوزته في الآخر.

مديحة حمدي: زوجي كان مناسب لي ولأولادي

وتابعت مديحة حمدي: زوجي كان مناسب لي ولأولادي ، وهو من طنطا، كان رايح هو وأخوه يعزموا أهل البلد، ويشاء الله إنه يعمل حادث وعشان كان بيلعب تجديف فكان بنيانه قوي، والله يرحمه الضلوع تأثرت بعد الحادث اللي اتعرض له.

مديحة حمدي: حماتي كانت رافضة زواجنا

واستكملت مديحة: حماتي كانت رافضة زواجنا في الأول ولكن بعد ما شفتني واقفة مع ابنها بعد الحادث تغيرت فكرتها عني وقالتلي لو هدور على واحدة تنفع لابني مش هلاقي أحسن منك.. وكنت موضع سرها بعد ما عشرتني في الحياة، وكنت بقولها يا ماما.

مديحة حمدي: اللي بيشتريلي حاجاتي سواء لبس أو اكسسوات هم زوجات أبنائي

وأضافت مديحة حمدي: اللي بيشتريلي حاجاتي دلوقتي سواء لبس أو اكسسوات هم زوجات أبنائي، وعلاقتي بيهم جيدة جدا، وأنا عرفت أكسبهم عشان عايزة أبنائي سعداء، وهم متربين كويس، وأنا كنت بعيط يوم زواج أبنائي من الفرحة، واتجوزوا بدري لاننا كنا مرتبين السكن بتاعهم وكانوا متجهزين للزواج، وكان رغبة من والدهم، وأكبر حفيد عندي عنده 20 سنة.