مروة عبدالمنعم: دايما بقول لربنا لو مش عايزني أمثل راضية بحكمك

كشفت الفنانة مروة عبدالمنعم أسرار وكواليس، من حياتها الشخصية والفنية أيضًا، بجانب علاقتها بربنا.

قالت مروة عبدالمنعم عبر تصريحات تلفزيونية: «أنا دايمًا بتكلم مع ربنا، وبقوله يارب أنا نفسي أشتغل، طيب ليه حببتني في الفن واديتني الموهبة؟».

تصريحات مروة عبدالمنعم

وتابعت: «لو مش عايزني أمثل أنا راضية بحكمك.. بس نفسي أفهم، أستنى؟ ولا أغير طريقي؟.. أنا بحب لما أدعي أتكلم مع ربنا كأنه صاحبي.. بحكي له كل حاجة».

واستكملت مروة عبدالمنعم: «أكتر حاجة نفسي أتعافى منها هي التفكير الكتير والتوتر.. مش بنام باخد منوم وبنام ساعتين وأقوم.. بعمل حاجات كتير جدًا طول اليوم، بس التفكير مبيسبنيش».

آخر أعمال مروة عبدالمنعم

يشار إلى أن آخر أعمال مروة عبدالمنعم مشاركتها في مسلسل بقينا اتنين، مع شريف منير، ورانيا يوسف، وآخرين.