مصطفى شوبير يدافع عن والده في واقعة أحمد رفعت: ماتظلمش حد باتهامات باطلة

دافع مصطفى شوبير حارس مرمى فريق الأهلي، عن والده الإعلامي أحمد شوبير، من الاتهامات التي تعرض لها مؤخرًا بأنه مُدان في واقعة رحيل أحمد رفعت لاعب مودرن سبورت، الذي توفي فجر أمس السبت.

وكتب مصطفى شوبير، عبر حسابه الشخصي على موقع التواصل الاجتماعي «إنستجرام»: «اتهامات اتهامات وخوض في ذمم بدون علم ولا أي دليل انتوا مافرقتوش عن اللي ظلمه في حاجة، ودلوقتي بتتهموا ناس ظلم بأذى شخص بدون أي دليل حتى دي عايزينها أهلي وزمالك وتريند أخو اللاعب طلع وقال اسألوا فلان وذكر اسم شخص».

وأضاف «ووكيله كان قاعد وحصلت مواجهة بينه وبين الشخص اللي تم ذكر اسمه فين بقى اسم أحمد شوبير في جملة مفيدة؟ ولا أخو رفعت ولا وكيله ولا المحامي بتاعه قال حاجة أو ذكر اسمه حتى زي ما المفبكرين بيكتبوا، التريند عمى الناس والاتهامات الباطلة».

وتابع مصطفى شوبير «أي حد بيكتب أي حاجة الناس للأسف بتصدقها وخلاص وياريت الناس اللي بتكتب ده درس لينا تبدأ بنفسها الأول وماتظلمش حد تاني باتهامات باطلة بدون أي دليل لأن كده أنت أول واحد ما اتعلمش من اللي حصل وبتعيد الظلم بس بطريقة تانية».

واختتم «استقيموا يرحمكم الله وسيبكم من التريند كلنا لله راجعون، أخيرًا ربنا يرحمكم يا رفعت أكيد أنت في مكان أحسن لا تنسوه من صالح دعائكم».