مصطفى كامل يرد على انتقادات طارق الشناوي: الألبوم والأغاني بتاعتي تريند طول الوقت

رد الفنان مصطفى كامل نقيب الموسيقيين على انتقادات الناقد الفني طارق الشناوي، بعدما انتقد ظهوره للغناء في أحد الملاهي الليلية بالساحل الشمالي ووصف صوته بـ«النشاز».

قال مصطفى كامل عبر تصريحات تلفزيونية: «أنا الألبوم والأغاني بتاعتي تريند طول الوقت، أنت بتنكر عليا نجاحي؟.. وكلام طارق الشناوي عني بسبب خلافات شخصية، هو راجل نكار أنا لا أحب هذا الشخص زيي زي 99% من الوسط الفني المصري مفيش مرة اتكلم عن مطرب أو ممثل عربي بيشوه النجوم المصريين فقط».

ووجه انتقادًا للناقد الفني قائلًا: «ده أنت بتتصور في المهرجانات وأنت حاطط إيدك في وسطك، أنت معتاد التطاول على رموز الفن».

واستكمل نقيب الموسيقيين: «أنا توليت نقابة الموسيقيين من 4 سنوات.. وقبلها لا صوت يعلو فوق صوت المهرجانات، ومكنش فيه حفلات أنغام ولا تامر حسني ولا رامي صبري ولا تامر عاشور، مكنش فيه الكلام ده.. ربنا وحده ما قدمه لوطني وبلدي قبل النقابة».

واختتم مصطفى كامل: «أنا خليت مطربي المهرجانات في مكانهم الطبيعي، والتزموا بالقرارات والكلمة، والغنوة بتاعتهم بتمر على الرقابة».