«معنديش معلش».. محمد جمعة يفاجئ الجمهور بأغنيته الجديدة

أعلن الفنان محمد جمعة طرح أغنية جديدة بعنوان «معنديش معلش»، عبر حسابه الرسمي بموقع انستجرام.

وشارك محمد جمعة متابعيه وجمهوره بمقطع فيديو للأغنية عبر حسابه الرسمي، معلقًا: «معنديش معلش».

محمد جمعة يطرح أغنية معنديش معلش

وتفاعل معه الجمهور ومتابعيه بشكل كبير، معربين عن إعجابهم بكلمات الأغنية.

في وقت سابق، كان قد روى الفنان محمد جمعة تفاصيل موقف صعب وأزمة مالية كاد يفقد بسببها ابنه، ولكن ساعده الفنان حمزة العيلي.

 

View this post on Instagram

 

A post shared by Mohamed Gomaa (@mohamed_gomaa_official)

تصريحات محمد جمعة

قال محمد جمعة عبر تصريحات تلفزيونية: «قعدت أنا ومراتي 5 سنين منخلفش وكان الحل إننا نعمل حقن مجهري فالمشكلة بقى إن كان لازم مراتي تاخد كل يوم حقنتين تثبيت».

وتابع: «طبعًا بعيدًا عن شقائها الحقنتين دول كانوا في اليوم بـ 250، بتدفع 250 جنيه لمدة تقريبا 6 شهور يوميًا، ربنا كان بيبعت وفجأة مراتي مفيش غير حقنة واحدة وأنا مفيش مليم وأنا من الناس اللي مبعرفش استلف».

واستكمل محمد جمعة حديثه: «عيطت عياط لا يمكن حد يتخيله لأن الأمل اللي بتحلم بيه بيضيع قدامك لأن أنت عاجز أنك توفر 250 جنيه عشان تجيب حقنة، اتصلت بصديق ليا اسمه الفنان حمزة العيلي معرفش إيه اللي خلاني أكلمه قلت له بص يا حمزة أنا الوضع كذا كذا وأنا حرفيًا دلوقتي مفيش في جيبي مليم».

وأضاف ليكشف موقف حمزة العيلي معه، قائلًا: «قالي أنت فين كنت وقتها ساكن في حدايق الأهرام، قالي تعالالي دلوقتي حالا روحت له وفاكر عمري ما هنسى أخدت منه 1500 جنيه وإلى وقتنا هذا بقول لحمزة إنت ليك في عمر ابني، دا موقف مش بنساه ليه».