ميدو عن الدوري الممتاز: «بطولة تعبانة.. ولاعيبه بتاخد ملايين وأندية بتخسر»

طالب أحمد حسام ميدو نجم نادي الزمالك ومنتخب مصر الأسبق، الدكتور أشرف صبحي وزير الشباب والرياضة، وعمرو الجنايني رئيس اللجنة الخماسية باتحاد الكرة، بضرورة إعادة النظر في مرتبات اللاعبين والأجهزة الفنية.

وكتب، ميدو عبر حسابه الشخصي على موقع التواصل الاجتماعي "تويتر": ماينفعش العاملين بالقطاع الصحي والقطاع التعليمي يبقوا بيعانوا واللاعبين والمدربين والإعلاميين والفنانين بيتقاضوا مئات أضعافهم".

وأضاف: "وهنا الموضوع مش موضوع أرزاق.الخوضوع موضوع عدل!! لازم يبقى في نسبه وتناسب..لازم نستغل الظروف اللي بنمر بيها وحاجات كتيره تتعدل!!".

وتابع: "مثلا ماينفعش لاعيب او مدرب في الدوري المصري المتواضع جدا فنيا يكون دخله مئات أضعاف العاملين في القطاع الصحي والقلاع التعليمي بالذات.. اه لاعيب الكورة والمدرب لازم يأخذ يتم تقديره بشكل جيد لانها موهبة ومهنة صعبه جدا لكن الفروق لازم ماتكونش بعيده اوي كده!!".

وأضاف: "لازم الوزير اشرف صبحي والأستاذ عمرو الجنايني يشتغلوا اه مفيش عقد لأي لاعب او مدرب يتم اعتماده الا بسقف معين يزيد كل ٣ سنوات السقف ده ١٥ ٪".

واختتم: "الأندية المصرية كلها بلا استثناء بتخسر ملايين.. وايه العائد؟ مفيش اي عائد!! دوري تعبان من غير جمهور بيفرز ٢ او ٣ لاعيبه مميزين كل موسم!!".