ميدو محذرا: اسكريبت متوزع لهد الزمالك بعد عودته للمنافسة

رد أحمد حسام ميدو، عضو لجنة التخطيط الحالي بنادي الزمالك، على ما وصفه بمحاولات ممنهجة لضرب استقرار نادي الزمالك، مؤكدا إن الفارس الأبيض مستقر تمامًا، وأن كل ما يتم تداوله في بعض وسائل الإعلام لا أساس له من الصحة.

وقال عضو لجنة التخطيط الحالي بنادي الزمالك، في فيديو عبر حسابه على منصة "إكس": “أكيد حضراتكم تابعتوا الاسكربت المتوزع إزاي نهد الزمالك.. خاصة أن الزمالك رجع للمنافسة.. إيه اللي إحنا نقدر نعمله نهد الزمالك؟ للأسف كل اللي متوزع على بعض الإعلاميين من إمبارح وبيرددوه يعني بالأمر، للأسف.. كلام ملوش أي أساس من الصحة”.

وتابع: "إحنا لا هنفور فرق، ولا هنجيب 15 لاعب، ولا هنمشي المدرب بتاعنا. إحنا عندنا 6 ماتشات، لو كسبناهم ممكن بنسبة كبيرة نبقى الأبطال. وعندنا هدفين من الدوري، إما الفوز بالدوري أو التأهل لدوري أبطال أفريقيا".

وأضاف : "ومش هنعمل أي حاجة تخرجنا عن تركيزنا إن إحنا نحقق الهدف ده.. وإحنا مؤمنين إن الاستقرار مهم جدًا.. لا كلام عن رحيل بيسيرو.. عندنا ثقة كبيرة في بيسيرو إنه يقود المرحلة اللي جاية عشان يحقق أهدافنا".

وأردف: "عشان أريح الناس كلها، الزمالك في الترانسفير ماركت الجاية أو في الصيف مش هيتعاقد بأي شكل من الأشكال مع أكتر من 3 أو 4 لاعيبة بالكتير.. على حسب المستجدات اللي بتجلنا.. وإحنا شغالين على الملف ده كويس".

وختم ميدو تصريحاته قائلا: "عندنا ثقة كبيرة في مدربنا وفي اللاعيبة بتاعتنا اللي نملكها إن هما يعني هيموتوا نفسهم خلال المرحلة الجاية لتحقيق أهدافنا زي ما قولت من خلال بطولة الدوري.. إن إحنا إن شاء الله نفوز بالبطولة ونتأهل لبطولة أفريقيا أبطال الدوري.. والفوز بكأس مصر.. صباح الفل".