ميرنا جميل: أنا قريبة من ربنا وأنقذني من حوادث وتجارب قاسية

تحدثت الفنانة ميرنا جميل عن علاقتها مع الله، وكيف تتواصل معه، وكشفت مواصفات شريك حياتها المستقبلي.

قالت ميرنا جميل عبر تصريحات تلفزيونية: «بحس إني قريبة من ربنا أوي وبحسه بيحبني عشان في حاجات حصلت في حياتي ربنا اتدخل أوي وأنقذني منها».

وتابعت: «بحماية ربنا بتعدي من حوادث عربيات ومن تجارب وحشة وطلعت منها سليمة وموضوع الأحلام بابا قبل ما يموت حلمت بيه وعرفت».

واستكملت ميرنا جميل: «وحلمت بحد تاني وتوفى.. موضوع الأحلام والحاسة السادسة أوفر أوي، صوتي الداخلي بيقولي متعمليش كده وبطلع صح وبكلم ربنا وبحسه بيسمعني، وأنا صغيرة كنت بكتب جوابات وبحطها في الدرج وأحكي لربنا، وأهلي عرفوا كل أسراري منها».

وكشفت ميرنا جميل مواصفات فتى أحلامها، مؤكدة أن اختياراتها ترتكز على الجانب الإنساني والعائلي، وأهم صفة تبحث عنها في شريك حياتها أن يكون «سند وضهر» ويهتم بها ويشعرها بالأمان، ولا تهتم بجنسيته، ولكن انسجامه مع عائلتها شرط مهم قبل أى خطوة رسمية.