ناصر ماهر ينتقد قرار استبعاده من قائمة منتخب مصر: اللي حصل ظلم كبير

انتقد ناصر ماهر لاعب فريق الزمالك، قرار استبعاده من قائمة المنتخب الوطني الأول المقرر أن تخوض معسكر شهر نوفمبر الحالي والذي يقام في الإمارات خلال الفترة من 10 إلى 18 نوفمبر.

كتب ناصر ماهر، عبر حسابه الرسمي على موقع التواصل الاجتماعي «إنستجرام»: «أنا آسف إني بنزل الكلام ده، لأنه مش طبعي خالص، بس بصراحة الوضع محبط جدا بالنسبة لي بسبب قائمة منتخب مصر».

وأضاف «بكل صدق، أنا شايف إني أستحق أكون متواجد على الأقل ضمن المنتخب، خصوصا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية حتي الناس العاديه بيتكلموا كويس جدا عن أدائي في الفترة الأخيرة».

واختتم ناصر ماهر «بصراحة، اللي حصل ظلم ظلم كبير جدًا، وده مالوش علاقة بالكورة، المجهود اللي بذلته كله يروح كده على الفاضي، وأحلامي تضيع بكل سهولة كأنها حاجة عادية، رغم إني عملت كل اللي المفروض أعمله، بجد حرام، اللي بيحصل ده يحبط أي جبل».

جاءت قائمة المنتخب الوطني على النحو التالي:

حراسة المرمى: محمد الشناوي – أحمد الشناوي – محمد صبحي – مصطفى شوبير.

خط الدفاع: محمد هاني – محمد حمدي – أحمد فتوح – رامي ربيعة – خالد صبحي – حسام عبد المجيد – محمد إسماعيل.

خط الوسط: مروان عطية – حمدي فتحي – مهند لاشين – محمد شحاتة – محمود صابر – محمود حسن تريزيجيه – إبراهيم عادل – مروان عثمان – عمر مرموش – أحمد سيد زيزو – محمود عبد الحفيظ 'زلاكة' – محمد صلاح.

خط الهجوم: أسامة فيصل – صلاح محسن – مصطفى محمد