ناني سعد الدين تكشف مأساة أسرتها: جوزي اتشل فجأة وبعت عفش بيتي عشان أعيش

كشفت الفنانة ناني سعد الدين عن تفاصيل إنسانية صادمة تعيشها مؤخرًا، بعدما تعرض زوجها لجلطة مفاجئة منذ سبعة أيام أدت إلى إصابته بالشلل، مؤكدة أنها تمر بأزمة معيشية خانقة جعلتها تضطر إلى عرض أثاث منزلها للبيع لتتمكن من توفير احتياجات أسرتها.

وقالت ناني سعد الدين في تصريحات صحفية، وهي منهارة من البكاء: "من 7 أيام صحيت جوزي لقيته مشلول وجاتله جلطة، وهو دلوقتي في القصر العيني، غير المدارس اللي داخلة ومصاريف ولاد إخواتي اللي بربيهم وبصرف عليهم".

وعن أزمة انتشار خبر بيع أثاث منزلها، أوضحت: "مكنتش عايزة خبر عفش بيتي ينتشر، أنا اتهانت والناس قالوا لي اشتغلي أي حاجة، بس أنا مش لاقية شغل وكل ما أكلم حد مبيردش عليا، والنقابة مفيش في إيديها حاجة، وربنا يعين دكتور أشرف زكي هو هيشيل إيه ولا إيه".