نجل سليمان عيد: كل من دفع جنيه في خارجة أبويا يبلغني

وجه عبدالرحمن نجل الفنان الراحل سليمان عيد رسالة لكل متابعيه، ويوجه الشكر لكل من واساهم وساندهم في وفاة والده الراحل.

كتب نجل سليمان عيد في منشور عبر حسابه الشخصي بموقع فيس بوك: «شكر الله سعيكم جميعًا.. ملتمسين العذر لكل اللي مقدرش ييجي العزا ومقدرين ظروف كل اللي كان نفسه ييجي».

رسالة نجل سليمان عيد

وتابع: «ربنا يجعله في ميزان حسناتكم ويغفر لأبويا ويرحمه.. شكرًا لكل اللي طبطب على قلوبنا أنا وأمي وأختي.. شكرًا من قلبي بجد لأخواتي وأصحابي وأساتذتي اللي وقفوا جمبي من أول لحظة ومسابونيش أبدًا لحد دلوقتي».

وأضاف عبدالرحمن نجل سليمان عيد: «ربنا يخليكم ليا ويبارك لكم في حياتكم ويديم المحبة بيننا يارب.. بحبكم أوي والله وكل واحد فيكم عارف هو عندي إيه.. سامحوني في ناس كتير أوي أوي بجد باعتينلي وأنا مش عارف أرد على العدد ده».

تصريحات نجل سليمان عيد

واستكمل قائلًا: «ومحدش يزعل إني مقدرتش أرد بس والله تسلم إيديكم وعظم الله أجركم جميعًا والحمدلله على حب الناس».

واختتم نجل سليمان عيد: «آخر وأهم حاجة ورحمة أبويا الغالي كل من دفع جنيه أنا معرفش عنه حاجة في خارجة أبويا لحد النهاردة يبلغني بيه عشان يكون مرتاح ومطمن ولو فيه حد له عندي أو عند أبويا أي حاجة أرجوكم يعرفني ضروري.. اللهم أرحم موتانا وموتى المسلمين جميعًا».