نجلاء بدر  تدعم «يسرا اللوزي»: « أهم أم ربنا يحفظلك أولادك » 

وجهت الفنانة نجلاء بدر رسالة دعم  إلى يسرا اللوزي قالت فيها: «أعظم وأجمل أم في الدنيا..ربنا يحفظك ويحفظك أولادك ويبعد عنك».

وكتبت «اللوزى»، ردًا على أحد التعليقات التى وصفت بنتها بـ«الطرشة»، «شكرًا على ذوق حضرتك، أنا قررت استغل كلامك اللطيف عشان أقدم شوية توعية بخصوص هذا المصطلح، أولا المصطلح الصحيح والمقبول هو الصم وضعاف السمع وليس الطرش أو البكم، ثانيًا أحب أعبر عن فخرى بكونى والدة طفلة صماء، لأنها علمتنى حاجات كتيرة جدا وبقيت بنى آدمة وأم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة مساعدة من حد عشان تحقق أحلامها».

وأضافت،«ثالثًا.. البنت الصماء دى هى اللى ألهمتنى انى أتكلم فى البرامج وأطالب بالكشف المبكر للمواليد اللى على أساسه كل المصريين هيتعملهم كشف سمع عند الولادة، وده المفروض يساهم بشكل إيجابى فى حياة عائلات كتير وهيسمح للأطفال الصم وضعاف السمع، إنهم يلاقوا الدعم منذ الصغر عشان يقدروا يتعلموا كويس ومايبقوش عبء على حد، بل بالعكس هيكونوا قادرين يندمجوا فى المجتمع «المريض للأسف».

واختتمت يسرا اللوزى ردها قائلة: «الطفلة الصماء دى، ليها إنجازات أثرت على شعب كامل، رغم إن عمرها 6 سنين، ياريت توضحلى بقى.. حضرتك أنجزت إيه فى حياتك؟.. شكرا».

نجلاء بدر عن التمثيل في الموسم الرمضاني فقط: « ليه نحصر رزقنا في شهر واحد»..فيديو

مي عمر تكشف عن موعد عرض مسلسلها «لؤلؤ»