نرمين الفقي: مش مستخسرة جمالي في الجواز وبيتعرض عليا أدوار غريبة

تحدثت الفنانة نرمين الفقي عن أسباب قلة أعمالها الفنية، بجانب السر وراء تأخرها في الزواج والإنجاب.

قالت نرمين الفقي عبر تصريحات تلفزيونية: «يمكن اللي بيتعرض مش دايمًا بيبقى كويس، ولازم الفنان مننا يتمسك بالمكانة اللي وصلها، وأنا وصلت لمكانة مش عايزة أتنازل عنها زي أني أعمل بطولات جماعية».

تصريحات نرمين الفقي عن الأجر

وتابعت: «وساعات بيتعرض عليا أدوار غريبة جدًا، مثلًا جالي دور أم لحد كبير، فالمنتج أعتقد أني مش عايزة أطلع أم، ولكني ممكن أطلع جدة ولكن إديني الدور اللي أمثله بجد، ولكن دوري في هذا العمل مالوش معنى وللأسف مش بشتغل كتير وبقعد في البيت بالسنتين وبنقي الدور كويس».

واستكملت نرمين الفقي حديثها: «فيه ناس بتقول اشتغلي علشان تباني ولكن أنا مش كده، إحنا بننحت في الصخر وشغلتنا قاسية وساعات لا يكون فيه إنصاف، وأجري مش عالي إطلاقًا، وكانت غلطة أني سمعت كلام أمي، كانت دايمًا بتقولي اعملي دور كويس ومتستعجليش في الأجر، والأجر هيجيلك هيجيلك، وبدخل الموضوع بقلب جدًا وأصبح أني معنديش أجر».

سبب عدم زواج نرمين الفقي

وفيما يخص سبب عدم زواجها، علقت قائلة: «مش مستخسرة جمالي في الجواز، لأن الجواز بيزول ومش دايم، في شوية تعب ممكن كل حاجة بتروح، بالعكس بيفضل الرجل اللي بتتسند عليه، وعندي أمثلة كتير في حياتنا، وكفاية في عيلتنا، أما قصة أبقى حرة نفسي ومنطلقة اعمل اللي أنا عايزاه، ولحد امتى هنفضل منطلقين؟ طب ما أنا منطلقة في بيتي، مش لازم برا وأسافر وأروح وأعمل».

وأضافت: «سُنة الحياة والحياة الطبيعية هي الجواز والخلفة سُنة الحياة مافيش جدال».