نيللي كريم عن أحدث أفلامها: عاملة دور أم أمير المصري وبتكلم عن شغل الأطفال بالبيوت

كشفت الفنانة نيللي كريم مفاجآت عن أحدث أعمالها الفنية، ففي فيلم صيف 67 تتعاون لأول مرة مع المخرج أبو بكر شوقي.

قالت نيللي كريم عن فيلم صيف 67 عبر تصريحات تلفزيونية: «فيلم إنساني بيتكلم عن عائلة مصرية من سنة 60 لسنة 80، وأنا عاملة دور أم أمير المصري، أم لـ 3 صبيان كبار».

أحدث أفلام نيللي كريم

وتابعت: «ومن خلال مراحلهم وكل أفراد العيلة بنشوف التغييرات اللي بتحصل، أمير المصري عامل دور جامد أوي، أول مرة أشتغل معاه وحبيته، فنان حساس مركز وعنده مستقبل كبير، وفي نجوم كتير في الفيلم، ومفيش فيه مشاهد عابرة، كل المشاهد تقيلة ودور صعب».

وفيما يخص فيلم هابي بيرث داي، قالت نيللي كريم: «هابي بيرث داي فيلم درامي تقيل، بيتكلم عن شغل الأطفال الصغيرين في عائلات فيها 6 أو 7 أطفال».

برومو مسلسل فراولة

مسلسل نيللي كريم في رمضان 2025

واستكملت: «والأطفال مضطرين يشتغلوا وخصوصًا في الأرياف لو العيلة فيها بنات بيبعتوهم يشتغلوا في البيوت، الفيلم يوم واحد وحفلة عيد ميلاد، ومن خلال قصة بسيطة وعيلة فيها بنت، وفي بنت بتشتغل في البيت من نفس السن».

تخوض نيللي كريم السباق لمسلسلات رمضان 2025 بمسلسل ناقص ضلع، مع الفنانة كندة علوش والفنانة روبي.