هاني رمزي يكشف موقف نيللي كريم من الجزء الثاني لـ غبي منه فيه

قال الفنان هاني رمزي، إن الفنانة نيللي كريم كثيرة الإلحاح عليه لعمل جزء ثاني من فيلم غبي منه فيه.

وتابع رمزي خلال تصريحات تلفزيونية «نيللي كريم قاعدة بتزن عليا نعمل غبي منه فيه جزء ثاني، ولما عملت الفيلم معايا كانت نجمة، ومفيش جيل في السينما المصرية يعوض الجيل بتاعنا».

ورد هاني رمزي عن رأيه في الفنانين الذين يطلقوا على أنفسهم ألقاب فنية، معلقا: الجمهور هو اللي بيقول اللقب، وأنا مش نوعية الفنانين اللي بيطلعوا على أنفسهم ألقاب، ولو أنا من جمهوري هقول الفنان هاني رمزي وأنا شايف الفنان أعلى من أي لقب».

وعن موقفه من الإنتاج الفني للجيل الحالي، أشار إلى أنه حال توجهه إلى هذا المجال سينتج لفنانين كوميديا لحاجة الناس إلى الكوميديا، معلقا «الناس محتاجة لكوميديا وكل اللي شغال دلوقتي ترجيدي وأكشن والناس في احتياج للضحك وأشد الحاجة للضحك، والنهاردة في الظروف الحالية بندور على حاجة ترفع الروح المعنوية للناس وده واجب وطني أنك ترفع من الروح المعنوية للناس، ولو هنتج هجيب حمدي الميرغني وتوته وعلي ربيع وأوس أوس».

رد هاني رمزي على تقليده لـ رامز جلال

وكان هاني رمزي، عدم تقليده للفنان رامز جلال في فكرة برامج المقالب، قائلا: أنا مقلدش رامز جلال ولو كل واحد عمل برنامج مقالب يبقى بيقلد رامز مش حقيقي، وبرنامجي نجح ولم أقدم برامج جديد من هذه النوعية لأني مش لاقي فكرة كويسة.

تابع رمزي، أن الدليل على نجاح برنامجه هو تقديم أكثر من موسم، مؤكدا عدم معرفة أي فنان بطبيعة برنامج المقالب الخاص به، متابعا: محدش كان عارف حاجة ولازم تشك في ده كمشاهد وأنا وقعت فريسة لرامز جلال مرتين ولا كنت أعرف طبيعة البرنامج.

هاني رمزي: كنت بقلق على أصدقائي في المقالب بتاعتي

وأوضح  هاني رمزي أنا قلبي ضعيف وكنت بقلق على أصدقائي خلال برنامج المقالب بتاعتي، وفي حاجات متتقلش على الكاميرا، وفي ناس رفضت تعرض الحلقة زي وليد توفيق وديانا حداد رفضوا، وأنا مبحبش أزود على الضيف ولا اتجاوز معاه.

إلهام شاهين تهنئ هاني رمزي بعيد ميلاده : «منبع البهجة والسعادة»

هاني رمزي: بحب نفسي لما أبقى ست على الشاشة ونفسي أجرب قُصر هنيدي

هاني رمزي: «الكوميديا جت معايا كده.. والجمهور أحب شخصية سلطان»

داخل مدرجات كأس العالم 2022.. هاني رمزي يشاهد مباراة الأرجنتين وكرواتيا