هربت من الشقى لقيت الجحيم.. ضحية زوجها بالدقهلية: كان بيعمل معايا حاجات محدش يتخيلها| فيديو

قالت أمل، ضحية زوجها بمحافظة الدقهلية، إن إخوات زوجها متزوجين ومستقرين وحياتهم طبيعية، لكنها لم تترك لتعيش حياتها بحرية: 'مآعرفش مآسبونيش حياتي أعيش ليه، يعني على الأقل أنا وأخته الكبيرة أنا قد بنتها'.

وأضافت أمل خلال لقاءها مع الإعلامية نهال طابل ببرنامج 'تفاصيل' المذاع على قناة صدى البلد 2 أن الفرق في العمر بينهما كان كبيرًا، إذ يبلغ زوجها 37 سنة وهي تبلغ 21 سنة، مشيرة إلى أنها لم تشعر بخطورة الأمر إلا بعد كتب الكتاب: 'كنا داخلين علينا بصورة ناس تانية غير اللي إحنا شوفنا خالص هو قال اللي هو سنه 31، حتى صفحة الفيس بتاعته كانت التاريخ بتاعها إنه 31 سنة لا بطاقتي مآبآشلهاش معايا أصلاً'.

وتابعت أمل سرد معاناتها اليومية مع زوجها، قائلة: 'أنا من صغري طالع عيني شغالة وشقيانة، كنت عايزة أستقر وأرتاح ويبقالي بيت، مش عايزة أشوف شقا تاني، بس للأسف اللي أنا اخترته جه أصعب من كلمة شقا بكتير جالي بعذاب نفسي وجسدي وكل حاجة بحكي له زي ما انت بتحكيلي كده، وأول يوم دخلت فيه بيتي خليته جاب المصحف قولت له افتح المصحف واحلفلي عليه'.

وأوضحت أمل أن زوجها كان يضربها ويؤذيها جسديًا: 'راح ضربني وورملي وجهي كان بنفس الشكل ده وجمعت نفس الدم اللي تحت شفتي دي هنا كنت باخد تليفوني وبجري بره الأوضة، راح جابني من شعري وقعد يكتم لي في نفسي، مآسابنيش غير لما فضلت أكح ووشي بدأ يحمر والروح بدأت تطلع، كان وقتها هو سابني'.

وأكدت أنها لجأت لأسرتها للحصول على حماية: 'استنيت بعد البيت ببيتين عشان يتأكد إن بابايا هيجي ياخدني، ولما فعلاً جه خد هدومي. راح لعمامي وجرى عندهم يقولهم ده حصل منها 1 2 3 دي غلطانة. بعد كده عملنا قاعدة عرفية وخدنا فيها شيكات، ورجعت طلقت في الـ 15 يوم'.

وختمت أمل حديثها قائلة: 'أنا مطلقة وبرياه من كل حاجة عامة. كان الوضع صعب جدًا، والقاعدة العرفية والطلاق كانوا نهاية معاناتي مع الشخص ده'.