«هروح للي خلقني».. منشور غامض للإعلامية داليا فؤاد يثير قلق متابعيها

أثارت الإعلامية داليا فؤاد ضجة واسعة وجدلًا كبيرًا، بسبب رسالة غامضة ومنشور أثار قلق الجمهور.

كتبت داليا فؤاد بعد حوالي شهر من الإفراج عنها في منشور عبر حسابها الشخصي بموقع فيس بوك: «أسفة إني خليتك تحسي الإحساس أنا متاكدة إنه مؤلم وصعب وبذات إنك تعبتي معايا.. بس الموضوع غصب عني مش قادرة أكمل مش قادرة اعافر ولا أحارب».

منشور داليا فؤاد

وتابعت: «والحياة محتاجة طاقة وقوة وقدتي على إني أكمل خلصت.. ممكن أكون ضعفت ممكن أكون غلط بس غصب عني

‎عاوزاكي تدعيلي وتفتكريني بالخير مهما حصل وخلي فؤاد يدعيلي.. أنا يمكن اخترت في الأول كل حاجة في حياتي بعند وكبرياء وحاولت أعافر علشان مخذلكيش وأكون ضهرك».

واستكملت داليا فؤاد: «بس تعبت وقوتي خلصت ووصلت لدرجه إني يا إما أكون وحشة بجد وبـ 100 وش علشان الناس تحبني أو أكون أنا وطبيعية والناس تختلف عليا.. مش ده أهم حاجة الأهم كنت إنتي وفؤاد ‎بس حاسة إني مابقتش الظهر والسند».

اكتئاب داليا فؤاد

وقالت أيضًا: «بظهر قدام الناس ضحكي الهستيري والبهجة الزائفة وجوايا اكتئاب شديد ووجع وذكريات بتخليني في دوامة وصراع مع النفس.. هتوحشيني بس أطمني هروح للي خلقني صدقيني هيكون أحن عليا من أي حد وعارفة إني عملت غلط بس طمعانة إن ربنا يسامحني هو رحيم نجاني من محنتي والناس دبحتني».

واختتمت داليا فؤاد: «تعبت من إني من جوايا منهارة بصرخ بصوت عالي وقدام الناس هادية وببين قوتي وهدوئي وتفاؤلي وطاقة للناس.. تعبت من تمثيلي إني علطول تمام وإني بخير وإني قوية تعبت من إني أخبي دموعي وحزني على حاجات اتخدعت فيها أو خسرتها كانت ليه كل حاجة.. تعبت إني أكون كويسة والناس مش كويسة تعبت من حبي لناس ماشفتش منهم غير الغدر والخيانة.. تعبت من الزعل وأرهقت من الحزن ونفسي أتقطع من الجري وراء أحلامي وظهري أتقسم من الحمل والمسؤلية.. وصيتي ليكي خلي بالك من نفسك وفؤاد ومريم.. والكلاب أمانة .. لقد أرهقتني الحياه ولم أقدر على تحملها.. سامحيني».