هشام عاشور يرد على انتقادات عمله مع نيللي كريم: الجوازة دي ضرتني وأنا بطل

ياسمين حمادة 17 يونية 2023 | 05:25 مساءً

رد الفنان هشام عاشور على انتقادات تعاونه مع زوجته الفنانة نيللي كريم بالأعمال الفنية، وآخرهم مسلسل عملة نادرة، ومسلسل روز وليلى.

تصريحات هشام عاشور عن زوجته نيللي كريم

قال هشام عاشور مازحًا عن زواجه من نيللي كريم في تصريحات إذاعية له: «الجوازة دي ضرتني جامد وأنا راجل بطل يعني فضلت 27 سنة بتمرن 8 ساعات في اليوم ومبفكرش في حاجة تانية».

واستكمل: «علشان كده بقت طريقة تفكيري دلوقتي بركز على التدريب في الحاجة اللي عاوزها، ومش برد ولا بسمع لأي كلام لحد ما أحقق طموحي، وكل ده علمني في حياتي بصفة عامة، وجعلنى أقدر أعرف نفسى أكتر، وما اسمعش للناس، ولأى حد بيتكلم في السوشيال ميديا عليا».

نيللي كريم وهشام عاشور

هشام عاشور زوج نيللي كريم

كان قد رد هشام عاشور الفنان ولاعب الاسكواش زوج الفنانة نيللي كريم على الانتقادات التي يتعرض لها، بسبب دخوله عالم الفن وظهوره في أكثر من عمل وأغلبهم مع زوجته.

قال هشام عاشور في تصريحات تلفزيونية له: «قبل ما نتجوز نيللي قالتلي خلي بالك أنت ممثل تقيل بس فكرة إننا مع بعض هتحط عليك ضغط كبير لأن الناس هتقارنك بيا وإحنا عارفين القصة دي من الأول».

وتابع قائلًا: «لكن لما الناس تشوف فيا ممثل بجد وبأثر بطريقة معينة، هيبتدوا يفصلوني عن نيللي ويبصولي بطريقة تانية، لو جيبت حد النهارده حطيته قدام مخرج ومنتج ومؤلف وتقوله ده هيمثل معاك، مهو دول مش هُبل مفيش حد بيحط الفلوس دي كلها ولا بيغامر معاه نجوم كتير ويحط حد يبوظله اللعبة».

نيللي كريم وهشام عاشور