هند صبري ترد على المقارنة بينها وبين نادية الجندي بسبب مسلسل مناعة

علقت الفنانة هند صبري على المقارنة بينها وبين الفنانة نادية الجندي، حيث تقدم في مسلسل مناعة شخصية تاجرة مخدرات في الباطنية.

قالت هند صبري عبر تصريحات تلفزيونية: «يا خرابي أنا مقدرش حتى اتحط في مقارنة مع العملاقة الأستاذة نادية الجندي لما عملت الباطنية أولاً دي نجمة الجماهير مينفعش خالص نقرب، الحاجة المشتركة الوحيدة هي الحقبة الزمنية اللي كان فيها حي الباطنية».

المقارنة بين هند صبري ونادية الجندي

وتابعت: «ممكن الجمهور يقارن لكن اعتقد إننا بنعمل حاجة بطريقة مختلفة تمامًا وأستاذ حسين المنباوي عنده أدوات بيتعامل بيها غير فيلم عدى عليه سنين، إحنا بنتناول الحقبة دي بأدوات وتكنيك النهاردة».

واستكملت هند صبري حديثها عن مسلسل مناعة، المقرر أن تنافس به ضمن موسم دراما رمضان 2026، قائلة: «الموضوع مختلف الشخصيتين مختلفتين، والمسلسل 15 حلقة فقط لأنه هو ميتحملش أكتر من كده وإحنا مدخلناش بدري كفاية إن يكون عندنا أكتر من 15 حلقة مكتوبين».

تصريحات هند صبري

وأضافت: «واعتقد أن عددهم حلو عشان ميبقاش فيه مط والناس بتحب المسلسلات القصيرة وتكون الأحداث سريعة».

كما دافعت هند صبري وردت على منتقدي فكرة العمل: «هي بتاخد جزائها إحنا بنقول إنه نموذج هياخد جزائه بالعكس ده هي قصة صعود وسقوط مدوي وعشان كده الشخصية فيها كل التحديات، في الآخر إحنا بنقدم وجبة فيها تسلية للناس هي حدوته مهياش قضية».

واختتمت: «حكاية مستوحاة من شخصيات حقيقية مش شخصية بعينها مستوحاة من الواقع وإحنا في حقبة زمنية انتهت، هي هتاخد جزائها تمامًا».