هندية تكشف سر لأول مرة عن اعتزالها: 13 سنة عبادة وحج والخيانة صعبة على حلا شيحة

كشفت الفنانة والراقصة هندية سر اعتزالها الفن، قائلة: «كان فيه قهوة بنقعد فيها أنا والزعيم عادل إمام والكاتب وحيد حامد والفنان صلاح السعدني، وفي مرة خلال تجمعنا سنة 1999 قلت أنا هعتزل».

تصريحات هندية

قالت هندية في تصريحات تلفزيونية لها: «قُلت هعتزل بعد وفاة أخويا الكبير، والأستاذ وحيد حامد قال لي إنتي مجنونة ولا عبيطة حد يعمل اللى إنتي بتقوليه ده؟!».

واستكملت: «قُلت له معلش، أخويا مات قدام عيني، فقال لي: كلنا هنموت، وصدمة وفاة أخويا كانت أكبر مني، طيب ما أنا ممكن أموت في لحظة أنا كمان، بعدها وحيد حامد كلمني، وقال لي: هندية إنزلي، وبلاش عبط، ورُحت فرح دينا الراقصة».

هندية

سبب اعتزال هندية

وتابعت الفنانة هندية: «كنت حاطة إيشارب صغير، وعادل إمام وعمرو دياب، وكل فناني مصر وقتها استغربوا؛ إيه اللي إنتي عملتيه ده، ومكنتش قادرة أبرر، ومعملتش حاجة خلال فترة اعتزالي، قعدت 13 سنة كان كلهم صلاة وعبادة وحج».

وقالت أيضًا: «وعملت 11 عمرة وتسبيح طول النهار، ومليت وقتي مع إخواتي وولادهم بقوا أصحابي جدًا، وبعد لما اعتزلت ولاد إخواتي شبطانين عايزين يدخلوا الفن بإصرار من إخواتي فقلت لهم: ده انتو كنتوا رافضين الفن».

زواج هندية

وتحدثت عن زواجها قائلة: «تزوجت رجل الأعمال الراحل أيمن السويدي، وحملت منه مرتين، وبعدين هو أجهضني، وقال لي: أنا مش عايز أطفال علشان هموت صغير، طلع عمل كدة مع حنان ترك، وكذا حد لإنه مش عايز أولاد، وبحب أيمن السويدي ومسامحاه رغم إنه حرمني من إني أبقى أم وفي الآخر بقول القرار قرار ربنا».

وعلقت هندية على إمكانية عودة حلا شيحة للتمثيل، قائلة: «كل واحد حاسس بمشكلته ووجعه هو وهي اللي حاسة بمشكلتها ووجعها وأكيد متخبطة، ولما تتجوز واحد ويعمل لها فرح وبعدين تلاقيه بيحب واحدة تانية وتالتة ورابعة الخيانة صعبة على حلا».

هندية