«وريني».. التفاصيل الكاملة لألبوم محمد نور الجديد

يستعد الفنان محمد نور لطرح ألبومه الجديد، الذي يحمل اسم «وريني»، قريبًا لينافس به ضمن موسم صيف 2025.

يتضمن ألبوم محمد نور الجديد 6 أغاني، تعاون فيهم مع عدد من أبرز الشعراء والملحنين والموزعين.

ألبوم محمد نور الجديد

أغاني الألبوم هي «نور، وريني، كنا ناويين خير، عاجبك حالي، أهلا وسهلا، من السبت للخميس».

الألبوم من إنتاج شركة كيوب ميوزك لصاحبها محمد علام، ويُعد من الأعمال المنتظرة خلال الموسم، خاصة بعد النجاح الذي حققه محمد نور في أعماله الأخيرة.

تصريحات محمد نور

وفي وقت سابق، كشف الفنان محمد نور تفاصيل نشأته في بيت فني، وعلاقاته بفريق واما.

قال محمد نور عبر تصريحات إعلامية: «اللي بيعرفني من قريب بيشوف حاجات مختلفة خالص غير شكلي، واللي بيشوفني بيقولي أنت قد إيه طيب وبتحب الناس وكل اللي ميعرفنيش يفتكر حاجة تانية».

واستكمل: «الشغلانة بتاعتنا دي غريبة جدًا كل واحد قبل ما بينام يقعد يقول مين حفلته فين ومين كسب كام ومين راح السعودية وأنا لسه مروحتش، أنا الوحيد اللي في الشغلانة دي مليش دعوة بأي حد، وأي حد بيعمل حاجة حلوة أنا أول واحد ببعتله مبروك».

وأضاف محمد نور: «كل الناس اللي في جيلنا كلهم صحابي ولما تيجي سيرتنا يقولوا نور ده شيك أوي ملوش دعوة بحد».