ياسمين عز : إجازة العيد معمولة لجوزك مش ليكي وبلاش خناقة الجردل والحلة مع حماتك

وجهت الإعلامية ياسمين عز مجموعة نصائح للزوجة تزامنًا مع اقتراب إجازة عيد الأضحى 2023 ، قائلة: «الأسبوع إجازة العيد مش معمول عشانك معمول لجوزك عشان يرتاح من الشغل».

نصائح ياسمين عز

قالت ياسمين عز في برنامجها التلفزيوني: «كثفي من حملات التنظيف الأسبوع ده، عشان في الإجازة يعرف إنه اختار صح، ولو عندك وقت فراغ إنزلي اشتري ممبار وأعمليه حضريه وشيليهم عشان في العيد تطلعيهم وتحمريهم».

واستكملت: «بحذرك إنه لما ييجي العيد ميبقاش فيه دوشة من الأولاد خليهم في الأوضة، لأنه بيكون عايز يقعد في هدوء، وحضري من بدري الرقاق والبوفتيك والممبار عشان لما يطلب حاجة يلاقيهم علطول».

ياسمين عز

تصريحات ياسمين عز

وقالت ياسمين عز أيضًا: «لما الحكيم قال وراء كل رجل عظيم امرأة.. مقالش مراته.. سابها مفتوحة.. إيه الإثبات إنه يقصد مراته؟».

وتابعت: «بعض العلماء يقول إنها أمه وآخرين قاله أخته، لكن زوجته أو مراته مش موجودة في الكتب أو المنهج ولا العلماء رجحوا ذلك، وفيه شك في المقولة اللي بنفسرها على مزاجنا وياريت نرجع الجملة لأصلها وراء كل رجل عظيم نفسه».

واستكملت نصائحها قائلة: «مدام أرجوكي بلاش خناقة الجردل والحلة مع حماتك أول يوم العيد، و إياكي تقفشي على جوزك لو أخته طمعت ف الجوهرة!! وحماتك هي اللي ليها الحق تاخد كل اللي نفسها فيه».

ياسمين عز