هشام ماجد يرد على اتهامات سرقة قصة مسلسل أشغال شقة

رد الفنان هشام ماجد على اتهامات سرقة قصة وفكرة مسلسل أشغال شقة، الذي نافس به ضمن موسم مسلسلات رمضان 2024 من فيلم صباح الخير يا زوجتي العزيزة.

قال هشام ماجد عبر تصريحات تلفزيونية: «مسلسل أشغال شقة نفس تيمة صباح الخير يا زوجتي العزيزة، لكن ده نسأل فيه خالد دياب وشيرين دياب، لأني لم أتدخل في الكتابة، عادي نعيد التيمة لكن هناك اختلاف كبير في أحداث العملين».

هشام ماجد مسلسل أشغال شقة

وتابع: «ضيوف الشرف هما أبطال مسلسل أشغال شقة ومبني عليهم القصة في الأساس، وانتصار ممثلة عظيمة سعيد بها جدًا في رمضان هذا العام، وكسرت الدنيا بمسلسلين أشغال شقة وأعلى نسبة مشاهدة، من أحلى الحلقات أيضًا نهى عابدين».

واستكمل الفنان هشام ماجد حديثه: «في الكتابة مكانتش حلقة نهى عابدين عجباني، لكن خالد وشيرين أقنعوني، وحلقة ريم خوري برضو، لكني بحب اللعبه والرجل العناب، بس اللعبة له مكانة خاصة عندي، لأنه مأثر في الناس والأطفال متعلقة بيه»، لافتًا إلى أنه لم يتوقع نجاح مسلسل أشغال شقة وسط الطبقة الشعبية.

برومو مسلسل أشغال شقة

هشام ماجد مسلسل اللعبة

وفيما يخص حقيقة تقديم جزء خامس من مسلسل اللعبة، قال: «إن شاء الله فيه جزء جديد وبيتكتب دلوقتي، وهينزل في 2024.

وأضاف الفنان هشام ماجد: «أنا مش مغرور الحمدلله، ومتأكد جدًا، بس فيه ناس بتتغر وتتغير بعد الشهرة، والشهرة بتجنن، إنك تبقى محدش يعرفك وتعمل عمل يدغدغ الدنيا، وتلاقي كل الناس بتتكلم عليك، أو يبقى مش معاك فلوس وتلاقي فجأة الناس بتعرض عليك فلوس كتير، ودي نقلة في الحياة تجننك.. أنا شوفت ناس بتتجنن من الشهرة علشان مش سوية، والخضة دي بتخليه يتجنن ومبحترمهمش علشان بين يوم وليلة ربنا إداله نعمة زيادة، فتنسى الناس وتنسى صحابك، ومحدش عمل معايا كده لأن محدش يقدر يتكبر عليا».

هشام ماجد وشيكو

هشام ماجد وشيكو وأحمد فهمي

وتحدث عن بدايته الفنية مع شيكو وأحمد فهمي، قائلًا: «أما عملنا ورقة شفرة كان كل واحد بيشتغل جنب الفن شغلانة مختلفة، وكنا سايبنها على الله، وأول واحد إدالنا فرصة هو محمد حفظي، وأول حاجة عملناها كانت أفيش وتشبيه، كنا بناخد على الحلقة على الكتابة 800 جنيه وتمثيل 300 جنيه».

وكشف هشام ماجد لأول مرة أن شيكو كان رافض التمثيل في البداية وكان يرغب أن يستكمل العمل كمهندس، مضيفًا: «شيكو كان أقوى واحد فينا بالتمثيل وأقنعاه وإحنا أصحاب من الجامعة، ولما جينا نعمل الرجل العناب فيلم اتفقنا إن أحمد فهمي هو اللي هيكتب هو وشريف نجيب بس، عشان ميحصلش مشاكل، ولما فهمي كتب الفيلم، أنا وشيكو كنا عندنا اعتراضات وقتها فهمي شاف إن ده عدم تقدير له وقرر ينفصل ويشتغل لوحده».

وتابع: «كان بقالنا كتير بيحصل خناقات ومبتبانش للناس، وطول الوقت كان فيه اختلافات، وبرضو بنتخانق أنا وشيكو بس مبتوصلش إننا ننفصل، وممكن نشتغل مع بعض إحنا التلاتة، بس منرجعش نبقى فرقة تاني».

هشام ماجد

هشام ماجد وشيكو وأحمد فهمي