أحمد السعدني يعتذر عن استكمال مسلسل «كله بالحب»: «اللي بيحصل ده مهزلة»

خرج الفنان أحمد السعدني عن صمته، مهاجما بطلة مسلسله الجديد «كله بالحب»، الذي يشارك في بطولته ومن المقرر عرضه في الموسم الرمضاني المقبل.

وكتب «السعدني» عبر حسابه الشخصي على موقع التواصل الإجتماعي «فيس بوك»: «الحقيقة أنا عمري ما عملت مشكله في شغلي وعمري ما اختلفت مع زمايلي انما أنا اللي بيحصل معايا في المسلسل اللي شغال فيه ٢٤ ساعه مبروحش بيتنا عشان يلحق العرض والواحد ساكت وبيعدي بلاوي عشان الزنقة والظروف، أنا متربي في ستوديوهات كبرنا أنا واللي زيي اللي كان بيتقال عليهم أبناء الفنانين كانها شتيمة على احترام مهنتنا مواعيدنا ومذاكرتنا وتحضيرنا للشغل احترامنا للكلمه قبل العقد».

وأضاف: «للأسف شركة الانتاج ملتزمتش معايا باتفاقهم اللي على أساسه وافقت اشتغل وكان شرط اساسي لقبولي الشغل معاهم والحقيقه أول مره اشوف تصميم دعايه عمل فني من أفيشات وبرومو بتعمله زميله في العمل طول عمري كنت فاكرها من اختصاص شركة الانتاج الحقيقه انا ضهري في الحيط اكمل واقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب وإلا اقعد في بيتنا واكتفي باللي صورته واطلب من النقابه تجيبلي حقوقي الماديه».

وتابع حديثه، ' انا بعتذر لاي شخص بيحبني عن تواجدي في هذا العمل لان الحقيقة اللي بيحصل ده مهزله'.

«كله بالحب»، بطولة الفنانين زينة، وأحمد السعدني، وصابرين وهالة فاخر ومصطفى درويش ومحسن منصور وريم البارودي، وسامر المصري، ومن تأليف ورشة أحمد الشخيبي، وإخراج عصام عبدالحميد، وإنتاج شركة سكيرمو ميديا لإسلام المرسي ونجلاء رشدي وأحمد السمان.

أحمد السعدني يوجه رسالة رومانسية لطليقته بعد وفاتها: «سأحبك كل يوم كفريضة»

أحمد السعدني: «تكسير فى الجسم وعزل كام يوم.. دعواتكم»

أحمد السعدني لوالدته في عيد الأم: «كل سنة وأنتى ست الناس»