أحمد حاتم يكشف سر طلاقه ومفاجأة عن ابنه: كنت نسخة مش حلوة مني

كشف الفنان أحمد حاتم أسرار من حياته الشخصية لأول مرة وبشأن نجله «عزيز»، بجانب أسباب انفصاله عقب زواج استمر 3 سنوات.

قال أحمد حاتم عبر تصريحات تلفزيونية إن ابنه عزيز جعل منه شخص آخر، وهو السبب في كل ما وصل إليه، حيث أصبح أكثر استيعابًا من قبل، مضيفًا: «خلاني أبقى شخص بيضرب مشاوير علشان أشوفه وبقيت شخص أحسن ومش أناني وهو بيراضيني بعلاقته بيا».

سبب انفصال أحمد حاتم وزوجته

وأشار إلى أن قرار الانفصال عن زوجته أصعب قرار اتخذه بحياته، معلقًا: «اتجوزنا 3 سنين أنا كنت في نسخة مش حلوة مني، كنت شخص ممكن أكون ظالم في وقت حتى لو ده مش باين بس ده حقيقة الأمر والطرف اللي معايا مكنش مبسوط.. ودي مش عادتي والتجربة خلتني أقف وقفة كبيرة وتوصلت إني أقدر أعمل اللي مقتنع بيه وحابه».

وأكد أحمد حاتم أنه تعلم من تجربة الزواج، لكن طريقة التعلم صعبة لأنه تعلمه في شخص، وذلك بحسب تصريحاته، معترفًا أنه لم يحاول تقديم تنازلات خلال فترة زواجه.

تصريحات أحمد حاتم

وتابع: «أنا عارف إن ده مش حاجة حلوة ومش أنا، وكان حاصل بشكل سلبي كبير ولا إرادي في حياتي عامة مش بس في الجواز والتجربة خلتني أقف وقفة كبيرة، وتوصلت لإني أقدر أعمل اللي مقتنع بيه وبحبه».

واستكمل أحمد حاتم حديثه عن تجربة الطلاق وابنه، قائلًا: «هوجه رسالة لـ عزيز ابني هقوله مايبقاش مؤذي، ويبقى ناشف ومتزن ومايبقاش شخص سهل، ويبقى عنده خبرات وأتمنى أشوفه ناجح ومحقق اللي بيحبه ومعندوش فشل في حياته وأتمنى أكون مصدر فخر له ومبسوط إني والده».

وفيما يخص بداياته الفنية، قال: «بعد أوقات فراغ كانت مرحلة غريبة، كان عندي صحابي كتير قوي بقت علاقتي بهم مش معروفة وناس بدأت تبعد لما بقيت مشهور أنا كنت عايز أمثل بس كنت محرج أقول علشان أنا شخص خجول وماكنتش عايز أعمل إعلانات لنفس السبب، وأنا داخل الجامعة قررت أدرس تمثيل جنب الإعلام، ولما عملوا فيلم أوقات فراغ كنت عملت كاستينج مع ناس كتير واتفاجئت أنهم اختاروني».

واختتم أحمد حاتم: «الفيلم نزل في وقت غريب، خاصة إن كان صعب تلاقي فيلم كله وجوه جديدة وكان بطولة، ونزل في وقت كنت بوزع أنا وكريم قاسم فلاير في الشارع ومحدش عارفنا ولما الفيلم نزل روحنا نشوفه في السينما عادي لقينا الناس عارفانا ودي كانت لحظة تحول في حياتي».

أحمد حاتم وابنه

أحمد حاتم