أحمد داود عن المنافسة مع أفلام عيد الأضحى 2026: مبسوط وخليها على الله

علق الفنان أحمد داود على المنافسة ضمن موسم أفلام عيد الأضحى 2026، مع فيلم أسد وفيلم 7dogs وفيلم الكلام على إيه.

قال أحمد داود عبر تصريحات تلفزيونية: "مفيش منافسة ولا حاجة بالعكس أنا مبسوط جدًا إني وسط أفلام كبيرة".

وتابع: "وفي موسم العيد الكبير ده من أهم المواسم في السنة.. خليها على الله واللي ربنا يعمله هيبقى كويس".

واستكمل أحمد داود: "زمان وأنا صغير كنت بخلص اليوم بتاع العيد ولازم أدخل السينما، في العيد الصغير بنبقى عايزين 3 أفلام وفي العيد الكبير عايزين 4 هما 4 أفلام كل يوم تدخل فيلم وإن شاء الله بعد العيد الأحلى هو اللي يكمل".

ويشارك أحمد داود ضمن موسم أفلام عيد الأضحى 2026 بفيلم إذما، مع سلمى أبو ضيف، وحمزة دياب، وجيسيكا حسام الدين، وبسنت شوقي، وآخرين والإخراج لـ محمد صادق.