أحمد سعد عن ارتداء الحلق: أنا عملت زي البنات

كشف النجم أحمد سعد أنه انساق وراء مواكبة التريند بمجال الأزياء، ما جعله يتعرض للكثير من الانتقادات بعد ظهوره بقميص شبك وحلق في الأذن.

أحمد سعد يتحدث عن مواكبة التريند

قال أحمد سعد في تصريحات تلفزيونية: 'أنا خرمت ودني ولبست حلق..، ولما ابتدت الدنيا تبقى في أحسن حال بفضل الله والأغاني تنجح بدأت أعمل زي باقي الناس، وسافرت إيطاليا وشوفت أعظم إستايليست في ميلانو، وطلبت منه يلبسني أحسن حاجة'.

أحمد سعد

واستكمل أحمد سعد حديثه، وقال: 'طبعا اللي عملته كان غلط واعتذرت عنه، ولو البنات أحيانا بتعمل أشياء غريبة أنا عملت زي البنات'.

تصريحات أحمد سعد

وأضاف: 'الشبك كان تريند، وقلت علشان آخد التريند كله على المفتاح أضرب الحلق، وطلعت على المسرح على أساس إن الفترة القادمة هيعملوا جلاليب شبك، لكن محصلش حاجة'.

أحمد سعد

وواصل أحمد سعد كلامه وقال: 'أول حاجة أم واحد صاحبي كلمتني، وقالت يخرب بيتك إيه اللي عملته ده يا واد، وقلت ست قديمة مش فاهمة الموضة، لكن نزلت لقيت الدنيا مقلوبة، وبقى عندي حاجة مهمة، إن التريند مهم لكن الناس هيقولوا عنك إيه'.