أحمد مالك: التمثيل أعظم شغف في حياتي.. ولسه بحافظ على نفسي بعد كل دور

دينا دهب 28 ابريل 2025 | 03:09 مساءً

شهد المتحف اليوناني الروماني بالإسكندرية جلسة 'ماستر كلاس' للفنان أحمد مالك، ضمن فعاليات الدورة الحادية عشرة من مهرجان الإسكندرية للفيلم القصير، تحت رعاية هيئة تنشيط السياحة.

أعرب أحمد مالك خلال اللقاء عن حبه العميق لمهنة التمثيل، واصفًا إياها بأنها الشغف الأكبر في حياته، وقال: 'التمثيل بالنسبة لي شغف عظيم، وكمان من حسن حظي إني بشتغل حاجة بحبها وكمان باخد منها مقابل مادي'.

وأضاف مالك عن أسلوبه في التعامل مع الشخصيات: 'مبغوصش في الشخصيات للدرجة اللي تخليني أنسى نفسي، زي ما بيحصل مع بعض الممثلين الأمريكيين، ساعات بتفضل معايا بعض اللزمات أو اللهجات من الدور، بس بعد ما بنخلص تصوير، برجع طبيعي وشخصيتي الحقيقية بتفضل زي ما هي'.

وعن التحضير للأدوار، أوضح مالك: 'التحضير عندي بيستمر لحد آخر ثانية قبل التصوير، وبفضل عايش تفاصيل الشخصية لحد ما المخرج يقول (أكشن)'.

وتستمر فعاليات مهرجان الإسكندرية للفيلم القصير حتى 2 مايو المقبل، مقدماً عروض أفلام قصيرة من مصر ومختلف دول العالم، بجانب ندوات وورش عمل لدعم المواهب السينمائية الشابة.

يُذكر أن مهرجان الإسكندرية للفيلم القصير تأسس عام 2015، ويُقام سنويًا في شهر أبريل، بتنظيم جمعية دائرة الفن ورعاية وزارة الثقافة وهيئة تنشيط السياحة، بمشاركة عدد من الرعاة منهم ريد ستار، بيست ميديا، لاجوني، أوسكار، ديجيتايزد، ومحافظة الإسكندرية.

أحمد مالك