أحمد موسى لـ لجان الإخوان في تركيا: مفيش دكر فيكم يقدر يشتم محمد صلاح دلوقتي.. أنا بتحداكم.. فيديو

علق الإعلامي أحمد موسى على انتقال محمد صلاح إلى نادي طرابزون التركي، مؤكدًا أن الصفقة تُعد من أبرز انتقالات الموسم، مشيرًا إلى أن صلاح رفض عروضًا من أندية كبرى واختار النادي التركي عن قناعة، كما تحدث عن كواليس المفاوضات، ودور تريزيجيه في إتمام الصفقة، وحالة التفاعل الجماهيري والإعلامي معها.

وقال الإعلامي أحمد موسى، خلال تقديمه برنامج 'على مسئوليتي' المذاع على قناة صدى البلد: 'محمد صلاح اليوم رقم واحد، إزاي نادي طرابزون قدروا يقنعوا محمد صلاح ورامي عباس بالصفقة دي؟ لكن قدروا يوصلوا وينجحوا في إقناعه'.

وأضاف: 'آخر 10 أيام كان هناك مفاوضات مع رئيس نادي طرابزون، وتريزيجيه كان له دور في إقناع محمد صلاح بالانضمام إلى طرابزون، وكان عاملًا مساعدًا لانضمامه إلى طرابزون'.

وأوضح: 'أنا كتبت الساعة 12:20 بعد منتصف الليل على إكس: (صفقة القرن تمت)، وبعدين كله أخدها، وكنت أول واحد كتبتها، ودخلت ناس علقت على البوست مش مصدقين، فرديت على الناس لأني وأنا بكتب تويتة بحب أشوف رأي الناس'.

وأضاف: 'حال لجان تنظيم الإخوان الإرهابي، اللي موجودين في تركيا اللي كانوا دايمًا بيشتموا محمد صلاح، دلوقتي عندهم حالة صمت، وميقدروش دلوقتي ينطقوا بكلمة ضد محمد صلاح، وهيبدأوا يعملوا احتفالات لصلاح'.

واستكمل: ' اللجان دي اللي بيحركهم بطونهم مش المبادئ،  خلي فيهم واحد دكر من اللي قاعدين في تركيا يشتم محمد صلاح أو يعمل فيديو يشتم فيه محمد صلاح، أنا بتحداهم على الهواء، دول هيكونوا جزءًا من الحديث الإيجابي عن محمد صلاح'.

وأوضح: 'اللي بيقول إزاي يروح صلاح طرابزون، ما هو عارف مصلحته أكيد، ورفض كل العروض واختار طرابزون، والنادي ده محتاج واحد زي محمد صلاح، ممكن يقوده إلى الفوز بالدوري التركي ويلعب في دوري الأبطال، وصلاح أكيد عنده حاجة تخليه يختار نادي طرابزون، وصفقة محمد صلاح بتغير خريطة الدوري التركي'.

واختتم : 'إحنا وارء صلاح في كل مكان يروحه، وهنشوف القنوات اللي بتذيع الدوري التركي ونتابعه، إحنا كنا بنشجع ليفربول عشان محمد صلاح، وهنروح وراه في أي مكان'.