أضا ينصح بعدم التزاحم في غرفة حسن شحاتة خوفًا على صحته

أكد الإعلامي محمد طارق أضا، تمنياته الشفاء العاجل لحسن شحاتة المدير الفني التاريخي لمنتخب مصر بعد تعرضه لوعكة صحية اضطرته للحجز في المستشفى خلال الأيام الحالية لتلقي العلاج.

قال أضا، خلال تقديمه برنامج «الماتش» على قناة «صدى البلد»: «نتمنى السلامة للمعلم الكابتن حسن شحاتة اللي دائمًا كان بيسعدنا كلاعب مع منتخب مصر والأندية وكمان كمدير فني أسعدنا كلنا في العديد من المرات، مين فينا مش فاكر كل البطولات؟ إن شاء الله يرجع بألف سلامة وينور مرة تانية».

أضاف «لكن زي ما إحنا بنشوف في السوشيال ميديا نجوم كتير بيروحوا يتصوروا مع المعلم حسن شحاتة ويقعدوا معاه، دي حاجة حلوة ولفتة جميلة جدًا وقد إيه أنت بترفع من روحه المعنوية».

وجه أضا نصحية لزوار المعلم، قائلًا: «بلاش يا جماعة نشوف صور فيها 10 و12 و15 داخل الغرفة اللي فيها المريض خوفًا على الكابتن حسن شحاتة وإن شاء الله يكون موجود في الفترة القادمة».