«شقيت وتعبت.. وموصلتش بـ أشرف زكي».. روجينا ترد بقوة على منتقديها بكواليس رحلتها الفنية

ردت الفنانة روجينا على منتقدي أدوارها وأعمالها، وعلقت على دخولها الوسط الفني بسبب زوجها الفنان أشرف زكي نقيب المهن التمثيلية.

قالت روجينا في لقاء مع الإعلامية شيرين سليمان ببرنامج سبوت لايت، المذاع على قناة صدى البلد: «أنا شقيت أوي من وأنا طالبة في المعهد ومعايا بنتي.. خدتها واحدة واحدة وكنت راضية ومبسوطة».

وتابعت: «وكنت عارفة ربنا في يوم من الأيام هيكرمني ويديني اللي نفسي فيه لأنه حقي أنا رحلة طويلة وتاريخ كبير بمجهودي وأهم مسلسلات في الدراما المصرية شاركت فيها (العائلة، والمال والبنون، وهوانم جاردن سيتي، والمصير».

واستكملت روجينا: «وبتضايق لما حد يقلل من مجهودي ويقول بسبب جوزها لا STOP.. أنا كنت باخد بنتي على إيدي وأروح ليوسف شاهين وأعمل بروفات.. أنا شقيت وتعبت واللي بيتكلم مشافش اللي أنا شوفته ومتعبش قد اللي تعبته».

وأضافت: «ووصلت بمجهودي وزوجي واقف جنبي وبيدعمني ولو جوزك مش مؤمن بيكي وبيحب نجاحك مش هتحققي أي حاجة في أي مجال، والكلام ده بيتقال وبتحارب بيه».

وفيما يخص موقفها من الانتقادات على السوشيال ميديا، علقت قائلة: «والبلوك ماله؟!.. أي حد بيديني كومنت مش لطيف بمسحه من حساباتي».