أميرة أديب تكشف حقيقة أمنيتها تبني طفلًا

كشفت الفنانة الشابة أميرة أديب ابنة المخرج عادل أديب والفنانة منال سلامة، حقيقة أمنيتها تبني طفل منذ صغرها.

وقالت أميرة أديب، عبر حسابها الشخصي على موقع التواصل الإجتماعي إنستجرام، وعلقت قائلة: من صغري دي حاجة نفسي أعملها، ولسه فيا، ونفسي أتبنى طفل، ومتأكدة إني هعملها في يوم من الأيام لو ربنا أراد يحصل ده.

أميرة أديب وتبني طفل

وتحدثت الفنانة منال سلامة عن ابنتها أميرة أديب، وكيف كانت طريقة تربيتها لها وسعيها في أن تجعل ابنتها معتمدة على نفسها، وفيما يلي نرصد تصريحات منال سلامة التلفزيونية عن ابنتها.

أميرة بقت مشهوره أكتر مني

شاطرة وموهوبة وعملت كل حاجة من نفسها ومن صغرها متعبتنيش

لما درست بره مصر كان مصروفها محدود جدًا

كانت بتشتغل وهي طالبة

كانت بتنزل تتعلم رقص وتاخد 50 جنيه

ابني كان بيشتغل بيقطع شجر ويشيله

أنا أبويا رباني على أني إنسان مش بنت، مفيش فكرة الولد والبنت

أنا كنت البكرية وكان بياخدني معاه على القهوة

أميرة بتسافر بالشهر وتقعد في أماكن بـ 3 دولار في اليوم

مرة حجزت في مكان واتنصب عليها ونامت على البحر

أميرة بتحب السفر في حاجات بتجهزلها وحاجات بتسافر على باب الله

أنا سيباها تعتمد على نفسها أنا بربيها على أني مش عايشالها طول العمر

ربيت ولادي يعيشوا في مستوى بسيط ومستوى عالي

يقعدوا على الطبلية ويتعاملوا مع الناس بمنتهى البساطة ولو تواجدوا في مكان 7 ستار تتعامل بنفس الطريقة