أوس أوس يكشف دور زوجته في مسيرته الفنية: سابت شغلها وقعدت معايا

تحدث الفنان محمد أسامة الشهير بـ«أوس أوس» عن الفترات الصعبة التي مر بها في بداية مشواره الفني، كاشفًا عن دور زوجته في مسيرته ودعمها له خلال تلك الفترة، كما تحدث عن علاقته بأبنائه وطريقة مناداتهم له في المنزل.

أوس أوس يكشف أصعب فترات حياته

وقال أوس أوس في تصريحات تلفزيونية: «في تياترو مصر كنت لسه متجوز، وقاعد في شقة إيجار، اسمي معروف بس بناخد أي كلام من المسرح».

وتابع: «ومراتي كانت شغالة في بنك وبتقبض أكتر مني، سابت الشغل وقعدت معايا، لما روحنا مسرح مصر الدنيا ابتدت تتظبط وأشتري بيت وأعمالها اللي نفسها فيه».

أوس أوس: سعادة ولادي ومراتي أحسن من 10 مليون دولار

وعن سعادته بنجاحه وقدرته على توفير حياة أفضل لأسرته، قال أوس أوس: «لما مراتي اتبسطت وضحكت أنا نمت على المخدة مبسوط، وسعادة ولادي ومراتي أحسن من 10 مليون دولار».

أوس أوس يكشف كيف يناديه أبناؤه في المنزل

وخلال الحلقة، كشف أوس أوس عن علاقته بأبنائه، قائلًا: «في البيت ولادي بيقولولي أوس أوس ومحدش بيقوللي محمد، وعندي ولادي عمر ودينا، وهما ميعرفوش إن ليا اسم تاني وهو محمد، ومحدش بيقوللي يا محمد غير والدتي».

وتابع: «لكن مراتي وولادي وكل الناس بتقوللي يا أوس أوس، وفي الوسط الفني محدش بيقوللي يا محمد، غير ساعات أكرم حسني ممكن يقوللي أزيك يا محمد يا أسامة».