أول تعليق من عمرو الجزار بعد إصابته بالصليبي

علق عمرو الجزار، لاعب النادي الأهلي، عن أول تعليق له بعد تعرضه للإصابة بقطع في الرباط الصليبي، مؤكدًا تقبله لقضاء الله وعزمه على خوض رحلة العلاج والتأهيل بإصرار، أملًا في العودة إلى الملاعب أقوى من جديد.

وكتب عمرو الجزار، عبر حسابه على فيسبوك، قائلا :" الحمد لله على كل حال، وفي كل وقت.

يمكن الإصابة دى تكون من أصعب الاختبارات اللي مريت بيها ، لكني مؤمن إن كل حاجة بتحصل بقدر ربنا ولحكمة يمكن لسه مش شايفها.

أنا راضي بقضاء ربنا، وصابر، وشاكر على كل نعمة في حياتي، وشاكر أكثر على كل الحب والدعاء اللي شوفته منكم في الوقت ده. رسائلكم، دعواتكم، وكلامكم كان ليهم أثر كبير عندي، ومش هنساه.

أنا مؤمن إن ربنا مش بيأخذ حاجة إلا وبيعوض، وإن بعد كل صبر فرح، وبعد كل صعوبة قوة جديدة.

هبدأ رحلة العلاج والتأهيل بكل إيمان وصبر. وإن شاء الله أرجع أقوى من الأول.

دعواتكم ليا

الحمد لله دائما وأبدًا.