شوبير يكشف حقيقة الإصابة المزمنة لـ إبراهيما نداي

علق الإعلامي أحمد شوبير، عضو اتحاد الكرة السابق، على أنباء إصابة إبراهيما نداي، لاعب الزمالك، بإصابة مزمنة الفترة الماضية.

وقال شوبير في تصريحات إذاعية:' البعض يقول إبراهيما نداي عنده إصابة مزمنة، يا جماعة مفيش حاجة إسمها إصابة مزمنة، ولا في حاجة كده في الإصابات، واحد يجيله مزق بيتعالج ويخف، التمزقات والشد..مفيش إصابة مزمنة خالص، لكن في مرض مزمن'.

أضاف:' إللي يقولك إبراهيما نداي عنده إصابة مزمنة قوله انت ما بتفهمش حاجة لا في طب ولا غيره، وعلى فكرة نبيل عماد دونجا رجع من الغضروف أسرع من المزق'.

تابع:' المزق في العضلة الخلفية ممكن يستغرق الشفاء منه أربع شهور، أنا جاتلي مرة زمان العضلة الضامة غلبتني وغبت فترة عن الملاعب بسببها'.

أشار:' في إصابة دمها تقيل ورزلة لأنك ما عالجتهاش صح، مثلًا بيرسي تاو هل عنده إصابة مزمنة؟ لا طبعًا والقول بأنها متكررة غير صحيح، لأن الإصابة في رجل تانية'.

أوضح:' إبراهيما نداي فاضله أسبوع ويرجع للتدريب، في ناس مش مبسوطة من مستوى سامسون أكينولا، لسه ما ظهرش ولم ينسجم مع الفريق، ما تحكمشي على لعيب أجنبي بسرعة'.

أتم:' حتى زكريا الوردي إللي مشي ده، ما تقدرش تحكم على مستواه، ولا أعرف جه بكام ومشي بكام؟ الترضية كان شكلها ايه؟ ولا الفلوس كان شكلها ايه؟ ولا الزمالك كسب وخسر ايه؟ حاجات طبيعية المهم الناس تعرفها، وأنا مش عارف الناس بتزعل ليه لما بقول الكلام ده؟ هو أنا قولت حاجة غلط؟'.

شوبير يعلق على فوز الأهلي الصعب على فاركو وأزمة الشوط الثاني

شوبير يكشف عن عرضين لـ زياد طارق للرحيل عن الأهلي