إيمي سمير غانم تروي معاناتها بعد فقدان والديها: عايزة أحكيلهم

حرصت الفنانة إيمي سمير غانم على توجيه رسالة مؤثرة لوالديها الراحلين الفنان سمير غانم والفنانة دلال عبد العزيز، معربة عن اشتياقها الكبير لهما.

نشرت إيمي سمير غانم صورة لوالديها الراحلين، عبر حسابها الرسمي بموقع انستجرام، وعلقت قائلة: «كل شوية أقول أمتى أشوفكم».

رسالة إيمي سمير غانم لوالديها

وتابعت: «بجد الفراق فعلًا من أصعب الحاجات اللي بنحس بيها، ربنا يصبر كل اللي حاسس بيا، بكون عايزة أحكي لهم بشوف إيه في حياتي ومين مزعلني ويشوفوا ابني».

واختتمت إيمي سمير غانم حديثها: «تفاصيل كتير وطبعًا الحياة لازم تستمر والكلام اللي إنتوا عارفينوا ده، ونشتغل ونربي أولادنا ونضحك نعيش أيامنا بس التفكير فيهم مش بيهدأ.. ونصيحة مني لكل ولد وبنت ربنا يخلي لكم باباكم ومامتكم تفضلوا تحت رجليهم كل يوم، مش مهم الأصحاب مش مهم السفر مش مهم غير أنهم يكونوا هما وأولادكم كل يوم معاكم، وربنا يصبر كل الناس.. الفاتحة وربنا يغفر لهم ويجمعنا بيهم في الجنة».

إيمي سمير غانم

مسلسل إيمي سمير غانم في رمضان 2025

ويشار إلى أن إيمي سمير غانم تحضر الفترة الحالية لمسلسل جديد، ستنافس به ضمن موسم دراما رمضان 2025، مع زوجها الفنان حسن الرداد في 15 حلقة.

وكانت آخر أعمالها بدراما رمضان، مسلسل سوبر ميرو في 2019، مع حمدي الميرغني ومحمد ثروت وآخرين.

إيمي سمير غانم في الأقصر

إيمي سمير غانم