ابنة ممدوح عبد العليم: اسم بابا ساعدني ومشوفتش حد الناس بتفتكره بعد 8 سنوات من وفاته

تحدثت هنا ابنة الفنان الراحل ممدوح عبد العليم، عن ذكرياتها مع والدها، وذلك على هامش تواجدها ضمن فعاليات مهرجان العلمين 2024.

قالت ابنة ممدوح عبد العليم عبر تصريحات تلفزيونية: «حب الناس لبابا غير عادي، على الأقل كل كام يوم حد يستوقفني للدعاء لبابا، مشوفتش حد الناس بتفتكره بعد 8 سنوات من وفاته».

ذكريات ابنة ممدوح عبد العليم مع والدها

وتابعت: «دا يبسطني جدًا، أنا ممكن أقعد أتكلم عن بابا للسنة الجاية، بابا فنان مجاش زيه في وجهه نظري وهو كمان أب مجاش زيه، كان أب غير عادي، لم يعاندني إنى أروح جامعة بره مصر، وكان دائمًا يشجعني على شغلي وأحلامي».

واستكملت هنا ممدوح عبد العليم: «أي حاجة أنا فيها بسببه وبسبب ماما طبعًا، الناس بتعاملني معاملة طيبة أول ما تعرف أنا بنت مين، أنا بنبسط لما بلاقي الناس بتحب بابا جدًا».

ممدوح عبد العليم

تصريحات هنا ممدوح عبد العليم

وقالت أيضًا: «اسم بابا ساعدني جدًا أول ما الناس تعرف أنا بنت مين بلاقي مش معاملة خاصة معاملة طيبة بيبقوا عايزين يبسطوني ويطبطبوا عليا».

ممدوح عبد العليم