دنيا سمير غانم ترد على حديث بيومي فؤاد عنها: عمره ما اتأخر عني

ردت الفنانة دنيا سمير غانم على إشادة الفنان بيومي فؤاد بها، حيث وصفها بـ «معجونة فن»، ووجهت له رسالة تدعمه بعد أزمته الصحية.

قال بيومي فؤاد عبر تصريحات تلفزيونية: «بعشق حاجة اسمها دنيا سمير غانم.. معجونة فن.. هنختلف ونتفق لكن هي اللي هينفع تعيطني وتقنعني بجد وتضحكني».

وتابع: «الوحيدة في مصر حاليًا اللي تنفع تعمل 3 أنواع دراما الكوميدي والجد والتراجيدي، ومتجددة».

وردت دنيا سمير غانم برسالة شكر، حيث كتبت عبر خاصية الستوري التابعة لحسابها الرسمي بموقع انستجرام: «شكرًا جدًا جدًا للنجم الكبير بيومي فؤاد اللي عمره ما اتأخر عني أو عن أي حد ودايمًا واقف جنبنا كلنا فنيًا وإنسانيًا».

واختتمت: «شكرًا على كلامك وذوقك وبدعي ربنا يشفيك وتقوم بألف سلامة».