ابن عامل البناء الكفيف: أنا عين بابا اللي بيشوف بيها.. وبنبهه على السلم والطوب

روى الطفل محمد، البالغ من العمر 11 عامًا، تفاصيل مرافقة والده الكفيف في عمله اليومي، مؤكدًا أنه يحرص على مساعدته طوال الوقت، ويعتبر نفسه العين التي يرى بها أثناء حمل الرمال ومواد البناء، معربًا عن حبه الكبير لوالده وحلمه بأن يصبح طبيبًا في المستقبل.

وقال خلال لقائه مع الإعلامية نهال طايل في برنامج 'تفاصيل' المذاع على قناة 'صدى البلد2': 'عندي 11 سنة، وبروح الشغل مع بابا الصبح، وبالليل، وفي أي وقت ييجي فيه شغل بروح'.

وأضاف: 'بابا بيصحيني بدري ويقولي تعالى روح الشغل معايا، ونام بدري علشان تصحى بدري، ولما بابا بيشتغل، بقوله خد بالك، فيه سلم، وفيه طوبة، وهو بيرد عليا ويقولي حاضر'.

وتابع: 'أنا عين بابا اللي بيشوف بيها، بنبه على السلالم عشان ميوقعش عشان بحب بابا وهو حنين علينا، ونفسي لما أكبر أكون دكتور'.