محمد صاحب واقعة الشبشب: بلاش نحكم على الناس من غير ما نعرف الحقيقة.. فيديو

قال محمد إسماعيل، صاحب واقعة «الشبشب»، إنه فوجئ بانتشار صورته على مواقع التواصل الاجتماعي، مشيرا إلى أنه شعر بالتعب قليلا، إلا أن الأمر بالنسبة له كان عاديا ولم يكن يستحق كل هذا التفاعل.

وأضاف خلال مداخلة هاتفية مع الإعلامية نهال طايل، ببرنامج «تفاصيل» المذاع على قناة صدى البلد 2: «أنا صحيت متأخر وكنت متسربع شوية، فلبست الشبشب ونزلت بيه. واتفقنا أنا وصاحبي إنه يدخل ويرمي لي الكوتشي بتاعه، وأنا وقفت بره ومدخلتش بالشبشب علشان محدش يسمعني كلمتين ملهمش لازمة».

وتابع: «الموضوع كله خد حوالي 30 ثانية، ومكنش فيه حاجة كبيرة حصلت».

وأوضح محمد: «أنا شايف إن الفيديو عادي جدا ومكنش يستاهل كل التفاعل الكبير ده، وأصحابي لما شافوني كده فضلوا يهزروا معايا، لأنهم عارفيني كويس وعارفين إن الموضوع مكنش بالشكل اللي اتقال على السوشيال ميديا».

ووجه محمد رسالة للجمهور قائلا: «منجريش ورا السوشيال ميديا، وكل واحد يركز في شغله ودراسته ودينه وصلاته، وبلاش نجرح في خلق الله أو نحكم على حد من غير ما نعرف الحقيقة».