الرئيس السيسي: «مفيش بلد هتعبر أزماتها إلا بالأمن والاستقرار.. وتحدياتنا مش كبيرة»

شدد الرئيس عبدالفتاح السيسي، على أن الدول لن تتقدم دون أمن واستقرار، قائلا: «مفيش بلد في الدنيا هتقدر تعبر أزماتها إلا بالأمن والاستقرار».

أضاف الرئيس السيسي، خلال كلمته اليوم، الخميس، في حفل تخرج دفعات جديدة من طلبة الكليات العسكرية، أن ما نشهده اليوم في مصر يؤكد مدى الجهد الذي بذل خلال السنوات الماضية، ليس فقط من القوات المسلحة أو رجال الشرطة، بل من كل مواطن مصري سعى للحفاظ على الدولة، قائلا: «ده جهد مشكور واللي خلى 104 ملايين أو أكثر على أرض مصر عايشين أن في أمل بكرة».

أرض صلبة

قال الرئيس السيسي: « كل المصاعب بفضل الله هنعبرها وإحنا في خير وبخير وأقدر أقول إن إحنا واقفين على أرض صلبة والتحديات مش كبيرة أوي زي بلاد تانية علشان الأمن والاستقرار اللي مصر في وده اللي خلانا كده».

كلمات للضباط الجدد

ووجه الرئيس السيسي، حديثه للضباط الجدد، قائلا: «خلوا بالكم عليكم دور كبير أوى علشان التضحيات اللي تقدمت خلال 8 سنوات فاتت إحنا دائما بنحتفل بيهم ونذكرهم سواء شهداء أو مصابين وبرضه أبطال نصر أكتوبر وبنحتفل بالذكري دي كل سنة إحنا حريصين نذكرهم ونأكد أن مش بس الدولة والحكومة اللي بتعمل كده لاء ده كل إنسان في مصر يفكر كويس إن في أسرة قدمت ابنها اللي بقى شهيد بعد ما ربته شاب أد الدنيا وراح علشان نعيش زي ما إحنا دلوقتي».

وأكد الرئيس السيسي، أن دور الجيش حماية وصون أمن الدولة والتضحية من أجل أن تبقى الدولة ثابتة ومستقرة أمنة سالمة، قائلا: « إن شاء الله».

واختتم الرئيس السيسي كلمته للضباط الجدد والأهالي، قائلا:« ربنا يوفقكم وأقولكم افخروا باللى إنتوا في ربنا يوفقكم المسئولية هتزيد عليكم وإنتوا أدها بالتعليم والتأهيل اللي خدتوا إن شاء الله خطوة للأمام ربنا يوفقكم ويحفظكم ويحفظ مصر وتكون في أمن وسلام.. ألف مبروك».

مدير الأكاديمية العسكرية يهدي الرئيس السيسي نسخة من القرآن الكريم

الرئيس السيسي: كل الأزمات تنتهي وتبقى الأوطان بالاستقرار والأمان والسلام.. فيديو